ਮੁੱਖ ਖ਼ਬਰਾਂਦੇਸ਼ਵਿਦੇਸ਼ਖੇਡਾਂਕਾਰੋਬਾਰਚੰਡੀਗੜ੍ਹਦਿੱਲੀਪਟਿਆਲਾਸਾਹਿਤਫ਼ੀਚਰਸਤਰੰਗਖੇਤੀਬਾੜੀਹਰਿਆਣਾਪੰਜਾਬਮਾਲਵਾਮਾਝਾਦੋਆਬਾਅੰਮ੍ਰਿਤਸਰਜਲੰਧਰਲੁਧਿਆਣਾਸੰਗਰੂਰਬਠਿੰਡਾਪ੍ਰਵਾਸੀ
ਕਲਾਸੀਫਾਈਡ | ਵਰ ਦੀ ਲੋੜਕੰਨਿਆ ਦੀ ਲੋੜਹੋਰ ਕਲਾਸੀਫਾਈਡ
ਮਿਡਲਸੰਪਾਦਕੀਪਾਠਕਾਂ ਦੇ ਖ਼ਤਮੁੱਖ ਲੇਖ
Advertisement

8th Indian Ocean Conference: ਹਿੰਦ ਮਹਾਸਾਗਰ ਖੇਤਰ ’ਚ ਵਿਕਾਸ ਤੇ ਸੁਰੱਖਿਆ ਲਈ ਸਾਂਝੇ ਯਤਨਾਂ ਦੀ ਲੋੜ: ਜੈਸ਼ੰਕਰ

06:37 PM Feb 16, 2025 IST
featuredImage featuredImage
Muscat [Oman], Feb 16 (ANI): External Affairs Minister S Jaishankar addresses the inaugural session of the 8th Indian Ocean Conference, in Muscat on Sunday. (ANI Photo) W

ਮਸਕਟ, 16 ਫਰਵਰੀ
EAM Jaishankar calls for coordinated efforts to fulfil development, security aspirations of Indian Ocean region
ਭਾਰਤ ਦੇ ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਅੱਜ ਇਥੇ ਕਿਹਾ ਕਿ ਹਿੰਦ ਮਹਾਸਾਗਰ ਅਸਲ ਵਿੱਚ ਆਲਮੀ ਜੀਵਨ ਰੇਖਾ (The Indian Ocean is veritably a global lifeline) ਹੈ ਅਤੇ ਨਾਲ ਹੀ ਉਨ੍ਹਾਂ ਨੇ ਖੇਤਰ ਦੇ ਵਿਕਾਸ ਤੇ ਸੁੁਰੱਖਿਆ ਉਮੀਦਾਂ ਪੂਰੀਆਂ ਕਰਨ ਲਈ ਸਾਂਝੇ ਹੰਭਲੇ ਮਾਰਨ ਦੀ ਅਪੀਲ ਕੀਤੀ।
ਜੈਸ਼ੰਕਰ ਨੇ ਮਸਕਟ ’ਚ ਅੱਠਵੀਂ ਹਿੰਦ ਮਹਾਸਾਗਰ ਕਾਨਫਰੰਸ (8th Indian Ocean Conference) ਦੇ ਉਦਘਾਟਨੀ ਸੈਸ਼ਨ ਜਿਸ ਦਾ ਵਿਸ਼ਾ ‘‘ਸਮੁੰਦਰੀ ਭਾਈਵਾਲੀ ਦੇ ਨਵੇਂ ਦਿਸਹੱਦਿਆਂ ਦੀ ਯਾਤਰਾ’’ ਸੀ, ਨੂੰ ਸੰਬੋਧਨ ਕਰਦਿਆਂ ਉਕਤ ਗੱਲਾਂ ਆਖੀਆਂ।
ਉਨ੍ਹਾਂ ਆਖਿਆ, ‘‘ਹਿੰਦ ਮਹਾਸਾਗਰ ਅਸਲ ਵਿੱਚ ਆਲਮੀ ਜੀਵਨ ਰੇਖਾ (Global lifeline) ਹੈ। ਇਸ ਦਾ ਉਤਪਾਦਨ, ਯੋਗਦਾਨ ਤੇ ਸੰਪਰਕ ਮੌਜੂਦ ਵਿਸ਼ਵ ਦੇ ਸੰਚਾਲਨ ਦੇ ਤਰੀਕੇ ਲਈ ਸਭ ਤੋਂ ਅਹਿਮ ਹੈ।’’ ਉਨ੍ਹਾਂ ਮੁਤਾਬਕ, ‘‘ਅਸੀਂ ਇਤਿਹਾਸ, ਭੂਗੋਲ, ਵਿਕਾਸ, ਰਾਜਨੀਤੀ ਜਾਂ ਸੱਭਿਆਚਾਰ ਦੇ ਸੰਦਰਭ ’ਚ ਵੱਖ-ਵੱਖ ਸਮੂਹ ਹਾਂ। ਪਰ ਜਿਹੜੀ ਚੀਜ਼ ਸਾਨੂੰ ਇੱਕਜੁਟ ਕਰਦੀ ਹੈ, ਉਹ ਹੈ ਹਿੰਦ ਮਹਾਸਾਗਰ ਖੇਤਰ ਦੀ ਭਲਾਈ ਲਈ ਇੱਕੋ ਜਿਹੀ ਵਚਨਬੱਧਤਾ।’’ ਜੈਸ਼ੰਕਰ ਨੇ ਕਿਹਾ, ‘‘ਇੱਕ ਅਸਥਿਰ ਅਤੇ ਅਨਿਸ਼ਚਿਤ ਯੁੱਗ ਵਿੱਚ, ਅਸੀਂ ਸਥਿਰਤਾ ਅਤੇ ਸੁਰੱਖਿਆ ਵਿੱਚ ਯਕੀਨ ਰੱਖਦੇ ਹਾਂ। ਪਰ ਇਸ ਤੋਂ ਇਲਾਵਾ ਅਜਿਹੀਆਂ ਇੱਛਾਵਾਂ ਹਨ ਜਿਨ੍ਹਾਂ ਨੂੰ ਪ੍ਰਾਪਤ ਕਰਨ ਲਈ ਅਸੀਂ ਕੋਸ਼ਿਸ਼ ਕਰਦੇ ਹਾਂ। ਜਦੋਂ ਅਸੀਂ ਇੱਕ ਦੂਜੇ ਦਾ ਧਿਆਨ ਰੱਖਾਂਗੇ, ਆਪਣੀਆਂ ਸ਼ਕਤੀਆਂ ਵਧਾਵਾਂਗੇ ਅਤੇ ਆਪਣੀਆਂ ਨੀਤੀਆਂ ਦਾ ਤਾਲਮੇਲ ਕਰਾਂਗੇ ਤਾਂ ਉਨ੍ਹਾਂ ਨੂੰ ਹਾਸਲ ਕਰਨਾ ਸੁਖਾਲਾ ਹੋ ਜਾਵੇਗਾ।’’ ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਮੇਂ ਹਿੰਦ ਮਹਾਸਾਗਰ ’ਚ ਕਾਫੀ ਉਥਲ ਪੁਥਲ ਹੋ ਰਹੀ ਹੈ। ਦੋਵੇਂ ਪਾਸੇ ਇਹ ਸਿਖਰ ’ਤੇ ਹੈ ਪੱਛਮੀ ਏਸ਼ੀਆ ’ਚ ਇੱਕ ਗੰਭੀਰ ਸੰਘਰਸ਼ ਚੱਲ ਰਿਹਾ ਹੈ, ਜਿਸ ਦੇ ਹੋਰ ਵਧਣ ਤੇ ਗੁੰਝਲਦਾਰ ਹੋਣ ਦੇ ਆਸਾਰ ਹਨ।’’ -ਪੀਟੀਆਈ

Advertisement

ਜੈਸ਼ੰਕਰ ਵੱਲੋਂ ਓਮਾਨ ਦੇ ਵਿਦੇਸ਼ ਮੰਤਰੀ ਨਾਲ ਵਪਾਰ, ਨਿਵੇਸ਼ ਤੇ ਊਰਜਾ ਸਹਿਯੋਗ ’ਤੇ ਚਰਚਾ
EAM Jaishankar, Omani counterpart discuss cooperation in trade, investment, energy security
ਮਸਕਟ:  ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਅੱਜ ਇੱਥੇ ਆਪਣੇ ਓਮਾਨ ਦੇ ਹਮਰੁਤਬਾ ਬਦਰ ਅਲਬੁਸੈਦੀ ਨਾਲ ਵਪਾਰ, ਨਿਵੇਸ਼ ਤੇ ਊਰਜਾ ਸੁਰੱਖਿਆ ਸਹਿਯੋਗ ਬਾਰੇ ਵਿਆਪਕ ਚਰਚਾ ਕੀਤੀ।

Muscat [Oman], Feb 16 (ANI): External Affairs Minister S Jaishankar meets Oman Foreign Minister Badr Albusaidi, in Muscat on Sunday. (ANI Photo) W
ਜੈਸ਼ੰਕਰ ਨੇ ਐਕਸ ’ਤੇ ਪੋਸਟ ’ਚ ਕਿਹਾ, ‘‘ਅੱਜ ਸਵੇਰੇ ਓਮਾਨ ਦੇ ਵਿਦੇਸ਼ ਮੰਤਰੀ ਬਦਰ ਅਲਬੁਸੈਦੀ ਨੂੰ ਮਿਲ ਕੇ ਖੁਸ਼ੀ ਹੋਈ। ਅਸੀਂ ਵਪਾਰ, ਨਿਵੇਸ਼ ਤੇ ਊਰਜਾ ਸਬੰਧੀ ਦੁਵੱਲੇ ਸਹਿਯੋਗ ਬਾਰੇ ਵਿਆਪਕ ਚਰਚਾ ਕੀਤੀ। ਦੋਵਾਂ ਆਗੂਆਂ ਨੇ ਰਾਜਨੀਤਕ ਸਬੰਧਾਂ ਦੀ 70ਵੀਂ ਵਰ੍ਹੇਗੰਢ ’ਤੇ ਸਾਂਝੇ ਤੌਰ ’ਤੇ ਇੱਕ ਪ੍ਰਤੀਕ ਚਿੰਨ੍ਹ ਵੀ ਜਾਰੀ ਕੀਤਾ। ਉਨ੍ਹਾਂ ਨੇ ‘ਮਾਂਡਵੀ ਟੂ ਮਸਕਟ: ਭਾਰਤੀ ਭਾਈਚਾਰਾ ਅਤੇ ਭਾਰਤ ਤੇ ਓਮਾਨ ਦਾ ਸਾਂਝਾ ਇਤਿਹਾਸ’’ (‘Mandvi to Muscat: Indian Community and the Shared History of India and Oman') ਨਾਮੀ ਕਿਤਾਬ ਵੀ ਰਿਲੀਜ਼ ਕੀਤੀ। ਓਮਾਨ ਸਰਕਾਰ ਮੁਤਾਬਕ ਅਗਸਤ 2024 ਤੱਕ ਉਨ੍ਹਾਂ ਦੇ ਦੇਸ਼ ’ਚ ਰਹਿ ਰਹੇ ਭਾਰਤੀਆਂ ਦੀ ਗਿਣਤੀ ਲਗਪਗ 6,64,783 ਹੈ। -ਪੀਟੀਆਈ
Advertisement

Advertisement