ਰਾਜਪੁਰਾ ਠਹਿਰਾਓ ਵਾਲੀਆਂ 8 ਰੇਲ ਗੱਡੀਆਂ ਰੱਦ

ਨਿੱਜੀ ਪੱਤਰ ਪ੍ਰੇਰਕ
ਰਾਜਪੁਰਾ, 10 ਜੁਲਾਈ
ਲਗਾਤਾਰ ਪੈ ਰਹੇ ਮੀਂਹ ਨੂੰ ਦੇਖਦੇ ਹੋਏ ਰੇਲਵੇ ਵਿਭਾਗ ਨੇ ਰਾਜਪੁਰਾ ਠਹਿਰਾਓ ਵਾਲੀਆਂ 8 ਰੇਲ ਗੱਡੀਆਂ ਰੱਦ ਕਰ ਦਿੱਤੀਆਂ ਹਨ। ਰੇਲਵੇ ਵਿਭਾਗ ਦੇ ਅਧਿਕਾਰੀ ਭਰਤ ਲਾਲ ਮੀਣਾ ਨੇ ਦੱਸਿਆ ਕਿ ਗੱਡੀ ਨੰਬਰ 4681 (ਨਵੀਂ ਦਿੱਲੀ-ਜਲੰਧਰ), 04711 (ਹਰਿਦੁਆਰ-ਗੰਗਾ ਨਗਰ), 04523 (ਸਹਾਰਨਪੁਰ-ਨੰਗਲ ਡੈਮ), 04501 (ਸਹਾਰਨਪੁਰ-ਊਨਾ-ਹਿਮਾਚਲ), 04524 (ਨੰਗਲ ਡੈਮ-ਅੰਬਾਲਾ), 04502 (ਉਨਾ-ਹਿਮਾਚਲ-ਸਹਾਰਨਪੁਰ), 13307 ਕਿਸਾਨ ਮੇਲ (ਧਨਬਾਦ-ਫ਼ਿਰੋਜਪੁਰ), 1306 (ਅੰਮ੍ਰਿਤਸਰ-ਹਾਵੜਾ) ਆਦਿ ਅੱਜ ਰੱਦ ਕੀਤੀਆਂ ਗਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਬਾਕੀ ਰੇਲ ਗੱਡੀਆਂ ਆਮ ਵਾਂਗ ਚੱਲ ਰਹੀਆਂ ਹਨ।