ਮੁੰਬਈ ’ਚ 9 ਮੰਜ਼ਿਲਾ ਰਿਹਾਇਸ਼ੀ ਇਮਾਰਤ ਨੂੰ ਅੱਗ ਲੱਗਣ ਕਾਰਨ ਔਰਤ ਤੇ ਨਾਬਾਲਗ ਦੀ ਮੌਤ ਤੇ 3 ਜ਼ਖ਼ਮੀ

ਮੁੰਬਈ, 23 ਅਕਤੂਬਰ
ਇਥੇ ਬੋਰੀਵਲੀ ਪੱਛਮ ਵਿੱਚ ਅੱਜ ਰਿਹਾਇਸ਼ੀ ਇਮਾਰਤ ਵਿੱਚ ਅੱਗ ਲੱਗਣ ਕਾਰਨ ਔਰਤ ਤੇ ਨਾਬਾਲਗ ਦੀ ਮੌਤ ਹੋ ਗਈ ਤੇ 3 ਜ਼ਖ਼ਮੀ ਹੋ ਗਏ। ਸਾਈਬਾਬਾ ਨਗਰ ਇਲਾਕੇ ਦੀ ਨੌਂ ਮੰਜ਼ਿਲਾ ਵੀਨਾ ਸੰਤੂਰ ਸੁਸਾਇਟੀ 'ਚ ਬਾਅਦ ਦੁਪਹਿਰ ਕਰੀਬ 12.15 ਵਜੇ ਅੱਗ ਲੱਗਣ ਦੀ ਸੂਚਨਾ ਮਿਲੀ ਹੈ। ਅੱਗ ਲੱਗਣ ਦਾ ਕਾਰਨ ਸਪੱਸ਼ਟ ਨਹੀਂ ਹੈ। ਇਮਾਰਤ ਦੀ ਪਹਿਲੀ ਮੰਜ਼ਿਲ 'ਤੇ ਬਿਜਲੀ ਦੀਆਂ ਤਾਰਾਂ ਅਤੇ ਹੋਰ ਥਾਵਾਂ ’ਚ ਅੱਗ ਲੱਗ ਗਈ ਅਤੇ ਦੋ ਫਾਇਰ ਟੈਂਡਰ ਮੌਕੇ 'ਤੇ ਪਹੁੰਚ ਗਏ। ਇਮਾਰਤ ਵਿੱਚੋਂ ਸੰਘਣੇ ਕਾਲੇ ਧੂੰਏਂ ਦੇ ਬੱਦਲ ਨਿਕਲਦੇ ਵੇਖੇ ਗਏ, ਜਿਸ ਨਾਲ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। 3 ਜ਼ਖਮੀਆਂ ਨੂੰ ਕਾਂਦੀਵਲੀ ਪੱਛਮ ਦੇ ਸ਼ਤਾਬਦੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ।