ਤਾਜ਼ੀਏ ਕੱਢਣ ਮੌਕੇ ਕਰੰਟ ਲੱਗਣ ਤੇ ਛੱਤ ਡਿੱਗਣ ਕਰ ਕੇ 4 ਮੌਤਾਂ

ਲਖਨਊ (ਯੂਪੀ):

ਯੂਪੀ ਦੇ ਗੋਂਡਾ, ਪ੍ਰਤਾਪਗੜ੍ਹ, ਬਲੀਆ, ਸੰਤ ਕਬੀਰ ਨਗਰ ਤੇ ਕਨੌਜ ਜ਼ਿਲ੍ਹਿਆਂ ਵਿਚ ਵੱਖ ਵੱਖ ਘਟਨਾਵਾਂ ’ਚ ਮੁਹੱਰਮ ਦੌਰਾਨ ਤਾਜ਼ੀਏ ਕੱਢੇ ਜਾਣ ਮੌਕੇ ਕਰੰਟ ਲੱਗਣ ਤੇ ਛੱਤ ਡਿੱਗਣ ਕਰ ਕੇ ਚਾਰ ਵਿਅਕਤੀਆਂ ਦੀ ਮੌਤ ਤੇ 26 ਹੋਰ ਜ਼ਖ਼ਮੀ ਹੋ ਗਏ। ਗੋਂਡਾ ਵਿਚ 12 ਸਾਲਾ ਬੱਚੇ ਅਸ਼ਰਫ਼ ਦੀ ਕਰੰਟ ਲੱਗਣ ਕਰਕੇ ਮੌਤ ਹੋ ਗਈ ਜਦੋਂਕਿ ਪੰਜ ਹੋਰ ਵੱਖ ਵੱਖ ਘਟਨਾਵਾਂ ਵਿਚ ਜ਼ਖ਼ਮੀ ਹੋ ਗਏ। ਪ੍ਰਤਾਪਗੜ੍ਹ ਜ਼ਿਲ੍ਹੇ ਵਿਚ ਬਾਬੂਗੰਜ ਰੇਲਵੇ ਗੇਟ ਨੇੜੇ ਤਾਜ਼ੀਏ ਦੇ ਹਾਈ ਟੈਨਸ਼ਨ ਤਾਰ ਦੇ ਸੰਪਰਕ ਵਿਚ ਆਉਣ ਨਾਲ 25 ਸਾਲਾ ਮੁਹੰਮਦ ਵਾਸਿਫ਼ ਦੀ ਜਾਨ ਜਾਂਦੀ ਰਹੀ ਹੈ। ਬਲੀਆ ਦੇ ਭਰਤਪੁਰ ਛਪਰਾ ਪਿੰਡ ਵਿਚ ਚਾਰ ਬੱਚੇ ਛੱਤ ਡਿੱਗਣ ਕਰਕੇ ਜ਼ਖ਼ਮੀ ਹੋ ਗਏ। ਇਹ ਬੱਚੇ ਛੱਤ ’ਤੇ ਖੜ੍ਹ ਕੇ ਤਾਜ਼ੀਏ ਦਾ ਜਲੂਸ ਦੇਖ ਰਹੇ ਸਨ। ਕੰਨੌਜ ਵਿਚ ਵੀ ਛੱਤ ਡਿੱਗਣ ਕਰਕੇ ਤਾਜ਼ੀਆ ਦੇਖ ਰਹੇ ਇਕ ਬੱਚੇ ਦੀ ਮੌਤ ਹੋ ਗਈ ਜਦੋਂਕਿ 14 ਹੋਰ ਜ਼ਖ਼ਮੀ ਹੋ ਗਏ। -ਪੀਟੀਆਈ