ਅਗਰਵਾਲ ਧਰਮਸ਼ਾਲਾ ਨੂੰ 3.55 ਲੱਖ ਰੁਪਏ ਭੇਟ

ਭਗਤਾ ਭਾਈ: ਸ਼ਹਿਰ ਦੇ ਫਰੈਂਡਜ਼ ਕਲੱਬ ਨੇ ਇੱਥੋਂ ਦੀ ਅਗਰਵਾਲ ਧਰਮਸ਼ਾਲਾ ਦੇ ਸੁਧਾਰ ਲਈ 3.55 ਲੱਖ ਰੁਪਏ ਦੀ ਰਾਸ਼ੀ ਭੇਟ ਕੀਤੀ ਹੈ। ਕਲੱਬ ਦੇ ਆਗੂ ਵਕੀਲ ਚੰਦ ਗਰਗ, ਕ੍ਰਿਸ਼ਨ ਕੁਮਾਰ ਗਾਡਰ, ਸੁਨੀਲ ਕੁਮਾਰ ਗੋਗੀ ਭਦੌੜੀਆ ਅਤੇ ਜੈਪਾਲ ਡੋਡ ਨੇ ਇਹ ਰਾਸ਼ੀ ਪ੍ਰਬੰਧਕਾਂ ਨੂੰ ਭੇਟ ਕੀਤੀ। ਇਹ ਰਕਮ ਅਗਰਵਾਲ ਧਰਮਸ਼ਾਲਾ ਦੇ ਲੰਗਰ ਤੇ ਮੇਨ ਹਾਲ ’ਚ ਏਸੀ ਲਾਉਣ ਲਈ ਵਰਤੀ ਜਾਵੇਗੀ। ਅਗਰਵਾਲ ਧਰਮਸ਼ਾਲਾ ਦੇ ਪ੍ਰਬੰਧਕ ਪਰਵੀਨ ਗਰਗ ਅਤੇ ਮਨੋਜ ਕੁਮਾਰ ਮੌਜੀ ਨੇ ਇਸ ਮਦਦ ਲਈ ਫਰੈਂਡਜ਼ ਕਲੱਬ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਹੋਰ ਲੋਕਾਂ ਨੂੰ ਵੀ ਇਸ ਕਾਰਜ ਵਿੱਚ ਯੋਗਦਾਨ ਪਾਉਣ ਦੀ ਅਪੀਲ ਕੀਤੀ। ਇਸ ਮੌਕੇ ਰਾਜੀਵ ਕੁਮਾਰ ਗੋਇਲ ਤੇ ਜਗਦੀਸ਼ ਸਿੰਘ ਪੱਪੂ ਗੰਗਾਨਗਰੀਆ ਹਾਜ਼ਰ ਸਨ। -ਪੱਤਰ ਪ੍ਰੇਰਕ