ਦੁਕਾਨ ਦੇ ਗੱਲੇ ’ਚੋਂ 26 ਹਜ਼ਾਰ ਰੁਪਏ ਚੋਰੀ

ਪੱਤਰ ਪ੍ਰੇਰਕ
ਰਤੀਆ, 19 ਅਗਸਤ
ਸ਼ਹਿਰ ਦੇ ਬੁਢਲਾਡਾ ਰੋਡ ਸਥਿਤ ਢੁਕੀਆ ਮਾਰਕੀਟ ਦੇ ਬਾਹਰ ਇੱਕ ਕਰਿਆਨੇ ਦੀ ਦੁਕਾਨ ਵਿੱਚ ਅੱਜ ਦੋ ਨਕਾਬਪੋਸ਼ ਮੋਟਰਸਾਈਕਲ ਸਵਾਰਾਂ ਨੇ 26 ਹਜ਼ਾਰ ਰੁਪਏ ਚੋਰੀ ਕਰ ਲਏ। ਦੁਕਾਨ ਦੇ ਮਾਲਕ ਪੰਕਜ ਕੁਮਾਰ ਨੇ ਦੱਸਿਆ ਕਿ ਉਹ 12.30 ਵਜੇ ਖਾਣਾ ਲੈਣ ਲਈ ਘਰ ਗਿਆ ਸੀ ਤੇ ਦੁਕਾਨ ਵਿੱਚ ਨਕਦੀ ਵਾਲੇ ਦਰਾਜ ਨੂੰ ਤਾਲਾ ਲਾ ਕੇ ਗਿਆ ਸੀ। ਕਰੀਬ 5 ਮਿੰਟਾਂ ਬਾਅਦ ਜਦੋਂ ਉਹ ਦੁਕਾਨ ’ਤੇ ਵਾਪਸ ਆਇਆ ਤਾਂ ਦਰਾਜ ਦੇ ਦੋਵੇਂ ਤਾਲੇ ਟੁੱਟੇ ਹੋਏ ਸਨ ਤੇ 26 ਹਜ਼ਾਰ ਦੀ ਨਕਦੀ ਗਾਇਬ ਸੀ। ਘਟਨਾ ਦੀ ਜਾਣਕਾਰੀ ਮਿਲਣ ’ਤੇ ਸਥਾਲਕ ਪੁਲੀਸ ਨੇ ਮੌਕੇ ’ਤੇ ਪਹੁੰਚ ਕੇ ਜਾਂਚ ਆਰੰਭ ਦਿੱਤੀ ਹੈ।