ਖਰਾਬ ਮੌਸਮ ਕਾਰਨ ਦਿੱਲੀ ਹਵਾਈ ਅੱਡੇ ਤੋਂ 22 ਉਡਾਣਾਂ ਦੇ ਰਾਹ ਬਦਲੇ

ਨਵੀਂ ਦਿੱਲੀ: ਖਰਾਬ ਮੌਸਮ ਕਾਰਨ ਇੱਥੇ ਅੱਜ ਦਿੱਲੀ ਹਵਾਈ ਅੱਡੇ ’ਤੇ 22 ਉਡਾਣਾਂ ਦੇ ਰਾਹ ਬਦਲੇ ਗਏ। ਅਧਿਕਾਰੀ ਨੇ ਦੱਸਿਆ ਕਿ ਇਨ੍ਹਾਂ ’ਚੋਂ ਨੌਂ ਉਡਾਣਾਂ ਜੈਪੁਰ, ਅੱਠ ਲਖਨਊ, ਦੋ ਚੰਡੀਗੜ੍ਹ ਅਤੇ ਇੱਕ-ਇੱਕ ਵਾਰਾਣਸੀ, ਅੰਮ੍ਰਿਤਸਰ ਅਤੇ ਅਹਿਮਦਾਬਾਦ ਵੱਲ ਭੇਜੀਆਂ ਗਈਆਂ। ਜਿਨ੍ਹਾਂ ਉਡਾਣਾਂ ਦੇ ਰਾਹ ਬਦਲੇ ਗਏ ਉਨ੍ਹਾਂ ’ਚੋਂ ਨੌਂ ਇੰਡੀਗੋ ਦੀਆਂ, ਅੱਠ ਏਅਰ ਇੰਡੀਆ ਅਤੇ ਤਿੰਨ ਵਿਸਤਾਰਾ ਦੀਆਂ ਸਨ। ਇਹ ਕਾਰਵਾਈ ਦੁਪਹਿਰ 3 ਵਜੇ ਤੋਂ ਸ਼ਾਮ 6:30 ਵਿਚਾਲੇ ਕੀਤੀ ਗਈ। ਜ਼ਿਕਰਯੋਗ ਹੈ ਕਿ ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ’ਤੇ ਰੋਜ਼ 1,300 ਉਡਾਣਾਂ ਆਉਂਦੀਆਂ-ਜਾਂਦੀਆਂ ਹਨ। -ਪੀਟੀਆਈ