ਕੈਨੇਡੀਅਨ ’ਵਰਸਿਟੀ ਵੱਲੋਂ ਅਭਿਜੀਤ ਨੂੰ 2.5 ਕਰੋੜ ਦੀ ਸਕਾਲਰਸ਼ਿਪ

ਪੱਤਰ ਪ੍ਰੇਰਕ
ਕਾਲਾਂਵਾਲੀ, 28 ਅਗਸਤ
ਪਿੰਡ ਖਿਓਵਾਲੀ ਦੇ ਵਿਦਿਆਰਥੀ ਅਭਿਜੀਤ ਗੋਦਾਰਾ ਨੂੰ ਕੈਨੇਡੀਅਨ ਯੂਨੀਵਰਸਿਟੀ ਬ੍ਰਿਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਦੁਆਰਾ 2.5 ਕਰੋੜ ਰੁਪਏ ਦੀ ਸਕਾਲਰਸ਼ਿਪ ਦਿੱਤੀ ਗਈ ਹੈ। ਉਹ ਹਰਿਆਣਾ ਰਾਜ ਦਾ ਇਕਲੌਤਾ ਵਿਦਿਆਰਥੀ ਹੈ ਜਿਸ ਨੂੰ ਕਿਸੇ ਕੈਨੇਡੀਅਨ ਯੂਨੀਵਰਸਿਟੀ ਨੇ ਸਕਾਲਰਸ਼ਿਪ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਪਿੰਡ ਖਿਉਵਾਲੀ ਦੇ ਰਹਿਣ ਵਾਲੇ ਅਭਿਜੀਤ ਗੋਦਾਰਾ ਦੀ ਕੈਨੇਡਾ ਦੀ ਇੱਕ ਯੂਨੀਵਰਸਿਟੀ ਵਿੱਚ ਚੋਣ ਹੋਈ ਹੈ। ਆਪਣੀ ਇਸ ਪ੍ਰਾਪਤੀ ਨਾਲ ਅਭਿਜੀਤ ਨੇ ਨਾ ਸਿਰਫ ਆਪਣੇ ਪਿੰਡ ਦਾ ਸਗੋਂ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ ਹੈ। ਉਹ ਹਰਿਆਣਾ ਰਾਜ ਦਾ ਇਕਲੌਤਾ ਕਿਸਾਨ ਪੁੱਤਰ ਹੈ ਜੋ 2.5 ਕਰੋੜ ਰੁਪਏ ਦੇ ਵਜ਼ੀਫੇ ਨਾਲ ਵਿਦੇਸ਼ ਜਾ ਕੇ ਪੜ੍ਹਾਈ ਕਰੇਗਾ।