ਸ਼ੈਲਰ ਵਿੱਚੋਂ 155 ਗੱਟੇ ਝੋਨਾ ਚੋਰੀ; ਕੇਸ ਦਰਜ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 22 ਨਵੰਬਰ
ਇੱਥੋਂ ਨੇੜਲੇ ਪਿੰਡ ਭਾਈ ਕੀ ਪਿਸ਼ੌਰ ਵਿੱਚ ਇੱਕ ਸ਼ੈਲਰ ਵਿੱਚੋਂ 155 ਗੱਟੇ ਝੋਨਾ ਚੋਰੀ ਹੋ ਗਿਆ। ਐੱਸਐੱਚਓ ਸਦਰ ਇੰਸਪੈਕਟਰ ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਰਾਹੁਲ ਗਰਗ ਵਾਸੀ ਵਾਰਡ ਨੰਬਰ ਇੱਕ ਲਹਿਰਾਗਾਗਾ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਨੇ ਪਿੰਡ ਭਾਈ ਕਿ ਪਿਸ਼ੌਰ ਵਿੱਚ ਐੱਮ/ਐੱਸ ਮਹਾਦੇਵ ਰਾਈਸ ਮਿੱਲਜ਼ (ਸ਼ੈਲਰ) ਲਾਇਆ ਹੋਇਆ ਹੈ ਤੇ ਸ਼ੈਲਰ ਵਿੱਚ ਕਰੀਬ 90 ਹਜ਼ਾਰ ਗੱਟੇ ਪਿੜਾਈ ਲਈ ਸਟੋਰ ਕੀਤਾ ਹੋਇਆ ਹੈ। ਰਾਊਂਡ ਦੌਰਾਨ ਉਸ ਨੇ ਦੇਖਿਆ ਕਿ ਚੱਕਿਆਂ ਕੋਲ ਝੋਨਾ ਖਿੱਲਰਿਆ ਹੋਇਆ ਸੀ ਤੇ ਸ਼ੱਕ ਹੋਣ ’ਤੇ ਉਸ ਨੇ ਮਜ਼ਦੂਰ ਸੱਦ ਕੇ ਜਾਂਚ ਕਰਵਾਈ ਤਾਂ ਇੱਕ ਚੱਕੇ ਵਿੱਚੋਂ ਕਰੀਬ 155 ਜੀਰੀ ਦੇ ਗੱਟੇ ਚੋਰੀ ਹੋ ਗਏ ਸਨ। ਐੱਸਐੱਚਓ ਇੰਸਪੈਕਟਰ ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਪੁਲੀਸ ਨੇ ਅਣਪਛਾਤਿਆਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।