ਟਰੱਕ ਵਿੱਚੋਂ 14 ਗੱਟੇ ਕਣਕ ਚੋਰੀ

ਭੁੱਚੋ ਮੰਡੀ: ਪਿੰਡ ਤੁੰਗਵਾਲੀ ਦੀ ਅਨਾਜ ਮੰਡੀ ਵਿੱਚੋਂ ਕਣਕ ਦੀ ਢੋਆ-ਢੁਆਈ ਕਰ ਰਹੇ ਇੱਕ ਚਲੱਦੇ ਟਰੱਕ ਵਿੱਚੋਂ ਚੋਰ 14 ਗੱਟੇ ਕਣਕ ਚੋਰੀ ਕਰ ਕੇ ਲੈ ਗਏ। ਟਰੱਕ ਅਪਰੇਟਰ ਰਜਿੰਦਰ ਗਰਗ ਨੇ ਦੱਸਿਆ ਕਿ ਉਹ ਗੱਟਿਆਂ ਦਾ ਟਰੱਕ ਭਰ ਕੇ ਚੱਕ ਫ਼ਤਿਹ ਸਿੰਘ ਵਾਲਾ ਵਿੱਚੋਂ ਭੁੱਚੋ ਮੰਡੀ ਆ ਰਿਹਾ ਸੀ। ਇਸ ਦੌਰਾਨ ਪੈਟਰੋਲ ਪੰਪ ਨਜ਼ਦੀਕ ਇੱਕ ਪਿੱਕਅਪ ਗੱਡੀ ਚਾਲਕ ਨੇ ਟਰੱਕ ਵਿੱਚ ਚੜ੍ਹ ਕੇ ਕਣਕ ਦੇ 14 ਗੱਟੇ ਹੇਠਾਂ ਸੁੱਟ ਲਏ ਅਤੇ ਪਿੱਕਅਪ ਵਿੱਚ ਲੱਦ ਕੇ ਫਰਾਰ ਹੋ ਗਏ। ਇਸ ਘਟਨਾ ਬਾਰੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਤੋਂ ਪਤਾ ਲੱਗਿਆ। ਉਨ੍ਹਾਂ ਨੂੰ ਚੋਰੀ ਬਾਰੇ ਉਸ ਸਮੇਂ ਪਤਾ ਲੱਗਾ, ਜਦੋਂ ਉਨ੍ਹਾਂ ਭੁੱਚੋ ਮੰਡੀ ਵਿੱਚ ਕਣਕ ਲਾਹੁਣ ਸਮੇਂ ਟਰੱਕ ਦਾ ਵਜ਼ਨ ਕੀਤਾ। ਉਨ੍ਹਾਂ ਦੱਸਿਆ ਕਿ ਇਸ ਚੋਰੀ ਬਾਰੇ ਭੁੱਚੋ ਪੁਲੀਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। -ਪੱਤਰ ਪ੍ਰੇਰਕ