ਜਲੰਧਰ ਦੇ 13 ਬਾਜ਼ਾਰ ਚਾਰ ਦਿਨ ਬੰਦ ਰਹਿਣਗੇ
07:56 AM Jun 24, 2024 IST
ਜਲੰਧਰ: ਫਗਵਾੜਾ ਗੇਟ ਮਾਰਕੀਟ ਐਸੋਸੀਏਸ਼ਨ ਨੇ ਗਰਮੀਆਂ ਦੀਆਂ ਛੁੱਟੀਆਂ ਦਾ ਐਲਾਨ ਕਰ ਦਿੱਤਾ ਹੈ। ਫਗਵਾੜਾ ਗੇਟ ਸਮੇਤ 13 ਬਾਜ਼ਾਰ 4 ਦਿਨ ਬੰਦ ਰਹਿਣਗੇ। ਇਲੈਕਟਰਾਨਿਕ ਐਂਡ ਇਲੈਕਟ੍ਰੀਕਲ ਐਸੋਸੀਏਸ਼ਨ ਦੇ ਪ੍ਰਧਾਨ ਬਲਜੀਤ ਸਿੰਘ ਆਹਲੂਵਾਲੀਆ ਨੇ ਦੱਸਿਆ ਕਿ ਇਹ ਛੁੱਟੀਆਂ 27 ਜੂਨ ਤੋਂ 30 ਜੂਨ ਤੱਕ ਚੱਲਣਗੀਆਂ। ਗਰਮੀ ਦਾ ਮੌਸਮ ਹੋਣ ਕਾਰਨ ਬਿਜਲੀ ਦਾ ਕਾਰੋਬਾਰ ਸਿਖਰਾਂ ’ਤੇ ਹੈ। ਐਸੋਸੀਏਸ਼ਨ ਦੇ ਮੈਂਬਰਾਂ ਦੀ ਸਹਿਮਤੀ ਨਾਲ ਜੂਨ ਮਹੀਨੇ ਦੀਆਂ ਛੁੱਟੀਆਂ ਤੈਅ ਕੀਤੀਆਂ ਗਈਆਂ ਹਨ। ਜ਼ਿਕਰਯੋਗ ਹੈ ਕਿ ਕੁੱਲ 13 ਬਾਜ਼ਾਰਾਂ ਵਿੱਚ ਛੁੱਟੀਆਂ ਦਾ ਐਲਾਨ ਕੀਤਾ ਗਿਆ ਹੈ। ਜਿਨ੍ਹਾਂ ਵਿੱਚ ਫਗਵਾੜਾ ਗੇਟ ਮੇਨ, ਰੇਲਵੇ ਰੋਡ, ਭਗਤ ਸਿੰਘ ਚੌਕ, ਮਿਲਾਪ ਚੌਕ, ਚਾਹਰ ਬਾਗ, ਗੁਰੂ ਨਾਨਕ, ਆਹੂਜਾ ਮਾਰਕੀਟ, ਸਿੱਧ ਮਾਰਕੀਟ, ਜਗਦੰਬੇ ਮਾਰਕੀਟ, ਕ੍ਰਿਸ਼ਨਾ ਮਾਰਕੀਟ, ਸ਼ੇਰੇ ਪੰਜਾਬ ਮਾਰਕੀਟ, ਪ੍ਰਤਾਪ ਬਾਗ, ਪੁਰਾਣੀ ਰੇਲਵੇ ਰੋਡ ਮਾਰਕੀਟ ਆਦਿ ਸ਼ਾਮਲ ਹਨ। -ਪੱਤਰ ਪ੍ਰੇਰਕ
Advertisement
Advertisement
Related News
Advertisement