ਫੇਰੀ ਵਾਲੇ ਤੋਂ 12 ਹਜ਼ਾਰ ਰੁਪਏ ਖੋਹੇ

ਪੱਤਰ ਪ੍ਰੇਰਕ
ਰਤੀਆ, 11 ਜਨਵਰੀ
ਪਿੰਡ ਤੇਲੀਵਾੜਾ ਕੋਲ ਤਿੰਨ ਨੌਜਵਾਨਾਂ ਨੇ ਰਤੀਆ ’ਚ ਫੇਰੀ ਲਾ ਕੇ ਕੱਪੜੇ ਵੇਚਣ ਦਾ ਕੰਮ ਕਰਦੇ ਜੰਮੂ-ਕਸ਼ਮੀਰ ਦੇ ਪਿੰਡ ਹੰਮਾ ਪਥਰੀ ਵਾਸੀ ਬਸ਼ੀਰ ਅਹਿਮਦ ਦੀ ਕੁੱਟਮਾਰ ਕਰ ਕੇ ਉਸ ਤੋਂ 12 ਹਜ਼ਾਰ ਰੁਪਏ, 10 ਸ਼ਾਲ ਅਤੇ ਜਰਸੀਆਂ ਖੋਹ ਲਈਆਂ। ਘਟਨਾ ਦੀ ਸੂਚਨਾ ਪੁਲੀਸ ਨੂੰ ਦੇ ਦਿੱਤੀ ਗਈ ਹੈ। ਜਾਣਕਾਰੀ ਮੁਤਾਬਕ ਬਸ਼ੀਰ ਅਹਿਮਦ ਰਤੀਆ ਵਿਚ ਹਰ ਸਾਲ ਗਰਮ ਕੱਪੜੇ ਵੇਚਣ ਲਈ ਆਉਂਦਾ ਹੈ। ਉਹ ਫੇਰੀ ਲਾ ਕੇ ਰਤੀਆ ਆਉਣ ਲਈ ਮੋਟਰਸਾਈਕਲ ’ਤੇ ਸਕੂਲ ਢਾਣੀ ਤੋਂ ਤੇਲੀਵਾੜਾ ਵੱਲ ਆ ਰਿਹਾ ਸੀ। ਬਸ਼ੀਰ ਮੁਤਾਬਕ ਜਦੋਂ ਉਹ ਪਿੰਡ ਤੇਲੀਵਾੜਾ ਕੋਲੋਂ ਲੰਘਣ ਲੱਗਾ ਤਾਂ ਰਤੀਆ ਦੇ ਨੰਬਰ ਵਾਲੇ ਮੋਟਰਸਾਈਕਲ ’ਤੇ ਸਵਾਰ ਤਿੰਨ ਨੌਜਵਾਨਾਂ ਨੇ ਰੋਕ ਕੇ ਉਸ ਦੇ ਮੋਟਰਸਾਈਕਲ ਦੀ ਚਾਬੀ ਕੱਢ ਲਈ ਅਤੇ ਨਗਦੀ ਅਤੇ ਕੱਪੜੇ ਖੋਹ ਕੇ ਫਰਾਰ ਹੋ ਗਏ।