ਸਡ਼ਕ ਹਾਦਸੇ ਵਿੱਚ 10 ਜ਼ਖ਼ਮੀ
07:20 AM Jul 01, 2023 IST
Advertisement
ਪੱਤਰ ਪ੍ਰੇਰਕ
ਪਾਤੜਾਂ, 30 ਜੂਨ
ਜਾਖਲ ਸੜਕ ’ਤੇ ਕਰੂਜ਼ਰ ਅਤੇ ਕਾਰ ਦੀ ਟੱਕਰ ਵਿੱਚ ਕਰੀਬ 10 ਜਣੇ ਜ਼ਖ਼ਮੀ ਹੋ ਗਏ, ਜਿਨ੍ਹਾਂ ਵਿੱਚੋਂ ਤਿੰਨ ਗੰਭੀਰ ਜ਼ਖ਼ਮੀ ਔਰਤਾਂ ਨੂੰ ਪਟਿਆਲਾ ਲਈ ਰੈਫਰ ਕਰ ਦਿੱਤਾ ਗਿਆ। ਹਰਜੀਤ ਸਿੰਘ ਵਾਸੀ ਪਿੰਡ ਤਖਾਣਮਾਜਰਾ ਨੇ ਦੱਸਿਆ ਕਿ ਜਾਖਲ ਰੋਡ ’ਤੇ ਪਿੰਡ ਬੰਗਾ ਨੇੜੇ ਕਰੂਜ਼ਰ ਅਤੇ ਕਾਰ ਦੀ ਟੱਕਰ ਵਿੱਚ ਜ਼ਖ਼ਮੀ ਹੋਏ ਵਿਅਕਤੀਆਂ ਨੂੰ ਪਾਤੜਾਂ ਦੇ ਸਰਕਾਰੀ ਹਸਪਤਾਲ ਵਿੱਚ ਲਿਆਂਦਾ ਗਿਆ ਹੈ। ਉਸ ਨੇ ਦੱਸਿਆ ਕਿ ਉਹ ਕਰੀਬ 10 ਜਣੇ ਕਰੂਜ਼ਰ ਗੱਡੀ ਵਿੱਚ ਧਮਧਾਨ ਸਹਿਬ ਵਿਖੇ ਇੱਕ ਭੋਗ ’ਤੇ ਜਾ ਰਹੇ ਸੀ ਤਾਂ ਪਿੰਡ ਬੰਗਾਂ ਨੇੜੇ ਇੱਕ ਬੈਲੇਨੋ ਕਾਰ ਦੇ ਚਾਲਕ ਨੇ ਉਨ੍ਹਾਂ ਦੀ ਗੱਡੀ ਨੂੰ ਓਵਰਟੇਕ ਕਰਦੇ ਸਮੇਂ ਟੱਕਰ ਮਾਰ ਦਿੱਤੀ। ਗੰਭੀਰ ਜ਼ਖ਼ਮੀ ਸੋਧਾ ਰਾਣੀ, ਪਰਮਜੀਤ ਕੌਰ ਤੇ ਲੱਛਮੀ ਦੇਵੀ ਨੂੰ ਪਟਿਆਲਾ ਦੇ ਰਾਜਿੰਦਰਾ ਹਸਪਤਾਲ ਲਈ ਰੈਫਰ ਕੀਤਾ ਗਿਆ ਹੈ।
Advertisement
Advertisement