ਸਮਰਾਲਾ ’ਚ 1.76 ਲੱਖ ਵੋਟਰ ਕਰਨਗੇ ਮਤਦਾਨ
09:58 AM Jun 01, 2024 IST
Advertisement
ਪੱਤਰ ਪ੍ਰੇਰਕ
ਸਮਰਾਲਾ, 31 ਮਈ
ਵਿਧਾਨ ਸਭਾ ਹਲਕਾ ਸਮਰਾਲਾ ਅਧੀਨ ਪੈਂਦੇ 218 ਬੂਥਾਂ ਅਤੇ 156 ਥਾਵਾਂ ਉਪਰ 1,76,815 ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨਗੇ। ਇਨ੍ਹਾਂ ਵੋਟਰਾਂ ਵਿਚ 93058 ਮਰਦ, 83752 ਔਰਤਾਂ ਅਤੇ ਪੰਜ ਟਰਾਂਸਜੈਂਡਰ ਹਨ। ਐਸਡੀਐਮ ਸਮਰਾਲਾ ਰਜਨੀਸ਼ ਅਰੋੜਾ ਨੇ ਦੱਸਿਆ ਕਿ ਵਿਧਾਨ ਸਭਾ ਸਮਰਾਲੇ ਹਲਕੇ ਅਧੀਨ ਸੱਤ ਬੂਥਾਂ ਨੂੰ ਸੰਵੇਦਨਸ਼ੀਲ ਐਲਾਨਿਆ ਗਿਆ ਹੈ ਜਿਨ੍ਹਾਂ ਵਿਚ ਪੁਲੀਸ ਵੱਲੋਂ ਸੁਰੱਖਿਆਂ ਦੇ ਕਰੜੇ ਪ੍ਰਬੰਧ ਕੀਤੇ ਗਏ ਹਨ। ਇਨ੍ਹਾਂ ਵਿਚ ਪਿੰਡ ਮੁਸ਼ਕਾਬਾਦ ਦਾ ਬੂਥ, ਪਿੰਡ ਸੇਹ, ਮਾਨੂੰ ਨਗਰ ਸਮਰਾਲਾ, ਪ੍ਰਾਇਮਰੀ ਸਕੂਲ ਸਮਰਾਲਾ ਨੇੜੇ ਬੀਪੀਈਓ ਦਫ਼ਤਰ ਤੋਂ ਇਲਾਵਾ ਅੰਬੇਦਕਰ ਕਲੋੋਨੀ ਸਮਰਾਲਾ, ਪ੍ਰਾਇਮਰੀ ਸਕੂਲ ਮਾਛੀਵਾੜਾ, ਗਰਲਜ਼ ਸਕੂਲ ਮਾਛੀਵਾੜਾ ਦੇ ਦੋ ਬੂਥ ਸ਼ਾਮਿਲ ਹਨ। ਥਾਣਾ ਮੁਖੀ ਰਾਓ ਵਰਿੰਦਰ ਸਿੰਘ ਨੇ ਦੱਸਿਆ ਕਿ ਸੰਵੇਦਨਸ਼ੀਲ ਪੋਲਿੰਗ ਬੂਥਾਂ ’ਤੇ ਪੁਲੀਸ ਵੱਲੋਂ ਸੁਰੱਖਿਆਂ ਮੁਲਾਜ਼ਮਾਂ ਦੀ ਗਿਣਤੀ ਵਧਾ ਦਿੱਤੀ ਗਈ ਹੈ।
Advertisement
Advertisement