ਹੋਟਲ ਪ੍ਰਬੰਧਨ ਤੇ ਸੈਰ ਸਪਾਟਾ ਵਿਭਾਗ ਵੱਲੋਂ ਵਿੱਦਿਅਕ ਦੌਰਾ

ਗੁਰਦਾਸਪੁਰ: ਐੱਸਐੱਸਐੱਮ ਕਾਲਜ, ਦੀਨਾਨਗਰ ਦੇ ਪ੍ਰਿੰਸੀਪਲ ਡਾ. ਆਰਕੇ ਤੁਲੀ ਦੀ ਅਗਵਾਈ ਵਿੱਚ ਹੋਟਲ ਪ੍ਰਬੰਧਨ ਅਤੇ ਸੈਰ ਸਪਾਟਾ ਵਿਭਾਗ ਵੱਲੋਂ ਵਿੱਦਿਅਕ ਦੌਰਾ ਕਰਵਾਇਆ। ਤਿੰਨ ਰੋਜ਼ਾ ਦੌਰੇ ਵਿੱਚ 20 ਵਿਦਿਆਰਥੀਆਂ ਨੂੰ ਭਾਗਸੂਨਾਗ ਮੈਕਲੋਡ ਗੰਜ (ਹਿਮਾਚਲ ਪ੍ਰਦੇਸ਼) ਦਾ ਦੌਰਾ ਕੀਤਾ। ਪਹਿਲੇ ਦਿਨ ਉਨ੍ਹਾਂ ਸੰਤ ਜੌਨ ਚਰਚ ਅਤੇ ਦਲ਼ਾਈ ਲਾਮਾ ਮੰਦਰ ਦੇਖਿਆ। ਦੂਜੇ ਦਿਨ ਵਿਦਿਆਰਥੀਆਂ ਨੂੰ ਭਾਗਸੂਨਾਗ ਮੰਦਰ ਅਤੇ ਵਾਟਰ ਫਾਲ ਦਾ ਦੌਰਾ ਕੀਤਾ। ਇਸ ਦੌਰਾਨ ਉਨ੍ਹਾਂ ਸਥਾਨਕ ਬਾਜ਼ਾਰ ਵਿੱਚ ਘੁੰਮ ਕੇ ਉੱਥੋਂ ਦਾ ਸਭਿਆਚਾਰ ਅਤੇ ਹਿਮਾਚਲੀ ਪਕਵਾਨਾਂ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਵਿਭਾਗ ਮੁਖੀ ਪ੍ਰੋ. ਸਰਬਜੀਤ ਸਿੰਘ ਅਤੇ ਪ੍ਰੋ. ਸੰਦੀਪ ਦੇ ਮਾਰਗ ਦਰਸ਼ਨ ਵਿੱਚ ਵਿਦਿਆਰਥੀਆਂ ਨੇ ਸੈਰ ਸਪਾਟਾ ਅਤੇ ਹੋਟਲ ਉਦਯੋਗ ਨੂੰ ਰੁਜ਼ਗਾਰ ਬਣਾਉਣ ਦੀਆਂ ਸੰਭਾਵਨਾਵਾਂ ਬਾਰੇ ਜਾਣਿਆ । ਇਸ ਮੌਕੇ ਲੈਬ ਇੰਸਟਰਕਟਰ ਪਾਰਸ ਵੀ ਮੌਜੂਦ ਸਨ। -ਪੱਤਰ ਪ੍ਰੇਰਕ