ਸ਼ਰਾਬ ਸਣੇ ਤਿੰਨ ਗ੍ਰਿਫ਼ਤਾਰ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 23 ਮਈ
ਥਾਣਾ ਸਲੇਮ ਟਾਬਰੀ ਦੀ ਪੁਲੀਸ ਨੇ ਗੋਰਵ ਦੂਆ ਵਾਸੀ ਸਲੇਮ ਟਾਬਰੀ ਤੇ ਅਨੂਪ ਕੁਮਾਰ ਵਾਸੀ ਸਲੇਮ ਟਾਬਰੀ ਨੂੰ ਜਲੰਧਰ ਬਾਈਪਾਸ ਨੇੜੇ ਜੈਕਸਨ ਪੈਟਰੋਲ ਪੰਪ ਤੋਂ ਅੱਗੇ ਖਾਲੀ ਥਾਂ ਵਿੱਚ ਕਾਰ ’ਚ ਬੈਠਿਆਂ ਕਾਬੂ ਕੀਤਾ ਤੇ ਉਨ੍ਹਾਂ ਕੋਲੋਂ 17 ਪੇਟੀਆਂ ਸ਼ਰਾਬ ਬਰਾਮਦ ਕੀਤੀ ਹੈ। ਪੁਲੀਸ ਨੇ ਉੱਕਤ ਕਾਰ ਵੀ ਕਬਜ਼ੇ ਵਿੱਚ ਲੈ ਲਈ ਹੈ।
ਇਸੇ ਤਰ੍ਹਾਂ ਥਾਣਾ ਜੋਧੇਵਾਲ ਦੀ ਪੁਲੀਸ ਨੇ ਅਕਸ਼ੇ ਕੁਮਾਰ ਵਾਸੀ ਗੋਲਡਨ ਵਿਹਾਰ ਨੂਰਵਾਲਾ ਰੋਡ ਨੂੰ ਆਪਣੇ ਘਰ ਵਿੱਚ ਖੋਲ੍ਹੀ ਕਰਿਆਨੇ ਦੀ ਦੁਕਾਨ ਤੋਂ ਕਾਬੂ ਕਰ ਕੇ 12 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀ ਹੈ।