ਵੋਟਿੰਗ ਦੇਸ਼ ਦੀ ਸੇਵਾ ਵੱਲ ਪਹਿਲਾ ਕਦਮ: ਮੁੱਖ ਚੋਣ ਕਮਿਸ਼ਨਰ

ਰਾਂਚੀ, 13 ਅਪਰੈਲ

ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ ਨੇ ਕਿਹਾ ਕਿ ਵੋਟਿੰਗ ਦੇਸ਼ ਸੇਵਾ ਦੀ ਦਿਸ਼ਾ ਵੱਲ ਪਹਿਲਾ ਕਦਮ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਵੀ ਵੋਟਾਂ ਪੈਣ ਤਾਂ ਸਾਰੇ ਯੋਗ ਨਾਗਰਿਕਾਂ ਨੂੰ ਆਪਣੀ ਵੋਟ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਰਾਂਚੀ ’ਚ ਮੀਡੀਆ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ,‘ਦੇਸ਼ ਦੀ ਸੇਵਾ ਵੱਲ ਪਹਿਲਾ ਕਦਮ ਵੋਟਿੰਗ ਹੈ। ਵੋਟ ਪਾਉਣ ਲਈ ਕਿਸੇ ਵਿਅਕਤੀ ਨੂੰ ਵੋਟਰ ਸੂਚੀ ’ਚ ਵੋਟਰ ਵਜੋਂ ਰਜਿਸਟ੍ਰੇਸ਼ਨ ਕਰਵਾਉਣੀ ਲਾਜ਼ਮੀ ਹੈ।’ ਮੁੱਖ ਚੋਣ ਕਮਿਸ਼ਨਰ ਝਾਰਖੰਡ ਦੇ ਤਿੰਨ ਦਿਨਾ ਦੌਰੇ ਦੌਰਾਨ ਰਾਂਚੀ ਪੁੱਜੇ ਸਨ। -ਪੀਟੀਆਈ