ਲੋਕਾਂ ਦੀਆਂ ਕਮੇਟੀਆਂ ਦੇ ਪੈਸੇ ਲੈ ਕੇ ਫਰਾਰ ਹੋਣ ਵਾਲੇ ਖ਼ਿਲਾਫ਼ ਕੇਸ

ਪੱਤਰ ਪ੍ਰੇਰਕ
ਫਗਵਾੜਾ, 12 ਜੂਨ
ਲੋਕਾਂ ਦੀਆਂ ਕਮੇਟੀਆਂ ਦੇ ਪੈਸੇ ਲੈ ਕੇ ਫ਼ਰਾਰ ਹੋਣ ਦੇ ਦੋਸ਼ ਹੇਠ ਸਿਟੀ ਪੁਲੀਸ ਨੇ ਇੱਕ ਵਿਅਕਤੀ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲੀਸ ਨੇ ਸੰਜੀਵ ਕੁਮਾਰ ਸ਼ਰਮਾ ਵਾਸੀ ਬਾਬਾ ਗਧੀਆ ਸ਼ੀਤਲਾ ਮਾਤਾ ਮੰਦਿਰ ਕਲੋਨੀ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਸ਼ਿਕਾਇਤਕਰਤਾ ਅਸ਼ਵਨੀ ਭਾਰਦਵਾਜ ਵਾਸੀ ਸਰਾਫ਼ਾ ਬਾਜ਼ਾਰ ਨੇ ਦੱਸਿਆ ਕਿ ਉਸ ਨੇ ਤਿੰਨ ਕਮੇਟੀਆਂ ਦੇ ਹੁਣ ਤੱਕ 15 ਲੱਖ ਰੁਪਏ ਦੇ ਦਿੱਤੇ ਸਨ।
ਪਰ ਕੁਝ ਦਿਨ ਪਹਿਲਾਂ ਸੰਜੀਵ ਕੁਮਾਰ ਘਰ ਨੂੰ ਤਾਲਾ ਲਗਾ ਕੇ ਪਰਿਵਾਰ ਸਣੇ ਫ਼ਰਾਰ ਹੋ ਗਿਆ। ਮੁਲਜ਼ਮ ਨੇ ਹੋਰ ਵੀ ਕਈ ਲੋਕਾਂ ਨੂੰ ਠੱਗਿਆ ਹੈ।