ਰਾਹ ’ਚ ਘੇਰ ਕੇ ਵਿਅਕਤੀ ਦੀ ਕੁੱਟਮਾਰ
05:02 AM Jun 18, 2025 IST
ਪੱਤਰ ਪ੍ਰੇਰਕ
ਫਗਵਾੜਾ, 17 ਜੂਨ
ਦੁਕਾਨ ਤੋਂ ਵਾਪਸ ਘਰ ਜਾ ਰਹੇ ਇੱਕ ਵਿਅਕਤੀ ਨੂੰ ਘੇਰ ਕੇ ਉਸ ਦੀ ਕੁੱਟਮਾਰ ਕੀਤੀ ਗਈ। ਇਸ ਸਬੰਧੀ ਸਦਰ ਪੁਲੀਸ ਨੇ ਤਿੰਨ ਵਿਅਕਤੀਆਂ ਖ਼ਿਲਾਫ਼ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਸ਼ਿਕਾਇਤਕਰਤਾ ਨਿਤੇਸ਼ ਕੁਮਾਰ ਵਾਸੀ ਬੀੜ ਪੁਆਦ ਨੇ ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ’ਚ ਦੱਸਿਆ ਕਿ ਉਹ ਆਪਣੀ ਦੁਕਾਨ ਬੰਦ ਕਰਕੇ ਆ ਰਿਹਾ ਸੀ ਤਾਂ ਬੀੜ ਪੁਆਦ ਨੇੜੇ ਉਸ ਨੂੰ ਰੋਕ ਲਿਆ ਤੇ ਹਥਿਆਰਾ ਨਾਲ ਵਾਰ ਕਰ ਕੇ ਉਸਦੀ ਕੁੱਟਮਾਰ ਕੀਤੀ। ਇਸ ਸਬੰਧ ’ਚ ਪੁਲੀਸ ਨੇ ਗੁਰਸ਼ਰਨ ਸਿੰਘ ਵਾਸੀ ਭੁੱਲਾਰਾਈ, ਗੋਪੀ ਵਾਸੀ ਖਲਵਾੜਾ, ਦੀਪਕ ਵਾਸੀ ਬੀੜ ਪੁਆਦ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਇਸੇ ਤਰ੍ਹਾਂ ਪਿੰਡ ਵਾਹਦਾ ਵਿੱਚ ਟਰਾਲੀਆਂ ਨੂੰ ਅੱਗ ਲਗਾਉਣ ਦੇ ਸਬੰਧ ’ਚ ਸਦਰ ਪੁਲੀਸ ਨੇ ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਇਹ ਕੇਸ ਸ਼ਿਕਾਇਤਕਰਤਾ ਬੰਟੀ ਕੁਮਾਰ ਵਾਸੀ ਪਿੰਡ ਕੋਟ ਮਹਿਰਾ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਦਰਜ ਕੀਤਾ ਗਿਆ ਹੈ।
Advertisement
Advertisement