ਮਾਰਸ਼ਲ ਅਰਜਨ ਸਿੰਘ ਮੈਮੋਰੀਅਲ ਹਾਕੀ ਟੂਰਨਾਮੈਂਟ ਅੱਜ ਤੋਂ

ਚੰਡੀਗੜ੍ਹ: ਮਾਰਸ਼ਲ ਆਫ ਦਿ ਏਅਰ ਫੋਰਸ ਅਰਜਨ ਸਿੰਘ ਮੈਮੋਰੀਅਲ ਹਾਕੀ ਟੂਰਨਾਮੈਂਟ-2025 ਦਾ ਛੇਵਾਂ ਐਡੀਸ਼ਨ 29 ਅਪਰੈਲ ਨੂੰ ਰਘਬੀਰ ਸਿੰਘ ਭੋਲਾ ਹਾਕੀ ਸਟੇਡੀਅਮ ਬੀਆਰਡੀ ਏਅਰ ਫੋਰਸ ਸਟੇਸ਼ਨ, ਚੰਡੀਗੜ੍ਹ ਵਿਖੇ ਸ਼ੁਰੂ ਹੋਵੇਗਾ ਤੇ 6 ਮਈ ਨੂੰ ਖਤਮ ਹੋਵੇਗਾ। ਡਾਇਰੈਕਟਰ ਜਨਰਲ ਪ੍ਰਸ਼ਾਸਨ ਏਅਰ ਮਾਰਸ਼ਲ ਐਸ ਸ਼ਿਵਕੁਮਾਰ ਤੇ ਗਰੁੱਪ ਕੈਪਟਨ ਵਾਈਐੱਸ ਪੰਘਾਲ ਨੇ ਦੱਸਿਆ ਕਿ ਟੂਰਨਾਮੈਂਟ ਵਿੱਚ ਕੁੱਲ 12 ਟੀਮਾਂ ਹਿੱਸਾ ਲਾ ਰਹੀਆਂ ਹਨ, ਜਿਸ ਵਿੱਚ 11 ਭਾਰਤੀ ਅਤੇ ਇੱਕ ਬੰਗਲਾਦੇਸ਼ ਦੀ ਟੀਮ ਸ਼ਾਮਲ ਹੈ। ਇਸ ਟੂਰਨਾਮੈਂਟ ਵਿੱਚ ਜੇਤੂਆਂ ਨੂੰ ਤਿੰਨ ਲੱਖ ਰੁਪਏ, ਦੂਜੇ ਨੰਬਰ ’ਤੇ ਰਹਿਣ ਵਾਲੀ ਟੀਮ ਨੂੰ ਦੋ ਲੱਖ ਰੁਪਏ ਨਕਦ ਇਨਾਮ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਹਰੇਕ ਮੈਚ ਦੇ ਮੈਨ ਆਫ ਦਿ ਮੈਚ ਨੂੰ 10,000 ਰੁਪਏ ਤੇ ਟੂਰਨਾਮੈਂਟ ਦੇ ਖਿਡਾਰੀ ਨੂੰ 25,000 ਰੁਪਏ ਇਨਾਮ ਵੱਜੋਂ ਦਿੱਤੇ ਜਾਣਗੇ। -ਟਨਸ