ਬੋਹਾ ਦਾ ਰਾਕੇਸ਼ ਬਣਿਆ ਪੀਸੀਐੱਸ ਅਫ਼ਸਰ

ਪੱਤਰ ਪ੍ਰੇਰਕ
ਬੋਹਾ, 22 ਦਸੰਬਰ
ਮਾਨਸਾ ਡਿਪਟੀ ਕਮਿਸ਼ਨਰ ਦਫ਼ਤਰ ਕਰਮਚਾਰੀ ਯੂਨੀਅਨ ਦੇ ਪ੍ਰਧਾਨ ਰਾਕੇਸ਼ ਬੋਹਾ ਪੰਜਾਬ ਪਬਲਿਕ ਸਰਵਿਸ ਕਮਿਸ਼ਨ ਵੱਲੋਂ ਲਿਆ ਗਿਆ ਪੀਸੀਐੱਸ ਦਾ ਟੈਸਟ ਪਾਸ ਕਰਕੇ ਉੱਚ ਪ੍ਰਸ਼ਾਸਨਿਕ ਸੇਵਾਵਾਂ ਵਿੱਚ ਆ ਗਿਆ ਹੈ। ਸ਼ਹੀਦ ਕਾਮਰੇਡ ਜਗਨ ਨਾਥ ਦੇ ਪੁੱਤਰ ਰਾਕੇਸ਼ ਬੋਹਾ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਕਲਰਕ ਵਜੋਂ ਕੀਤੀ ਸੀ ਤੇ ਹੁਣ ਉਹ ਆਪਣੀ ਮਿਹਨਤ ਅਤੇ ਲਗਨ ਦੇ ਬਲਬੂਤੇ ’ਤੇ ਇਸ ਮੁਕਾਮ ਤੱਕ ਪਹੁੰਚਣ ਵਿੱਚ ਸਫ਼ਲ ਹੋਇਆ ਹੈ। ਰਾਕੇਸ਼ ਨੂੰ ਸਮਾਜਿਕ ਤੇ ਰਾਜਸੀ ਜਥੇਬੰਦੀਆਂ ਨੇ ਵਧਾਈ ਦਿੱਤੀ।