ਪੱਖੋਵਾਲ ਵਿੱਚ ਏਟੀਐੱਮ ਤੋੜਿਆ

ਪੱਤਰ ਪ੍ਰੇਰਕ
ਗੁਰੂਸਰ ਸੁਧਾਰ, 13 ਸਤੰਬਰ
ਬੇਖ਼ੌਫ਼ ਲੁਟੇਰਿਆਂ ਨੇ ਕਸਬਾ ਪੱਖੋਵਾਲ ਵਿੱਚ ਕੋਟਕ ਮਹਿੰਦਰਾ ਬੈਂਕ ਦੇ ਏਟੀਐਮ ਨੂੰ ਤੜਕਸਾਰ ਨਿਸ਼ਾਨਾ ਬਣਾਇਆ, ਪਰ ਅਚਾਨਕ ਹੂਟਰ ਵੱਜਣ ਕਾਰਨ ਲੁਟੇਰੇ ਭੱਜ ਨਿਕਲੇ। ਇਲਾਕੇ ਵਿੱਚ ਗਸ਼ਤ ਕਰ ਰਹੀ ਥਾਣਾ ਸੁਧਾਰ ਦੇ ਸਬ-ਇੰਸਪੈਕਟਰ ਕੁਲਦੀਪ ਸਿੰਘ ਦੀ ਅਗਵਾਈ ਵਾਲੀ ਪੁਲੀਸ ਪਾਰਟੀ ਇੰਨੇ ਨੂੰ ਵੀ ਮੌਕੇ ’ਤੇ ਪਹੁੰਚ ਗਈ। ਸੂਚਨਾ ਮਿਲਦੇ ਸਾਰ ਥਾਣਾ ਸੁਧਾਰ ਦੇ ਮੁਖੀ ਜਸਵਿੰਦਰ ਸਿੰਘ ਘਟਨਾ ਸਥਾਲ ’ਤੇ ਪਹੁੰਚ ਗਏ। ਉਨ੍ਹਾਂ ਕਿਹਾ ਕਿ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।