ਪਿੱਤੇ ’ਚ ਪੱਥਰੀ ਤੋਂ ਪੀੜਤ ਹਨ ਰਮਨ ਅਰੋੜਾ

ਜਲੰਧਰ (ਪੱਤਰ ਪ੍ਰੇਰਕ):

ਭ੍ਰਿਸ਼ਟਾਚਾਰ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤੇ ਵਿਧਾਇਕ ਰਮਨ ਅਰੋੜਾ ਦੀ ਬੀਤੇ ਦਿਨ ਵਿਜੀਲੈਂਸ ਵੱਲੋਂ ਕੀਤੀ ਗਈ ਪੁੱਛ-ਪੜਤਾਲ ਦੌਰਾਨ ਸਿਹਤ ਖ਼ਰਾਬ ਹੋ ਗਈ ਸੀ। ਇਸ ਕਾਰਨ ਉਸ ਦੀ ਜਾਂਚ ਲਈ ਡਾਕਟਰਾਂ ਦੀ ਇਕ ਟੀਮ ਵਿਜੀਲੈਂਸ ਦਫ਼ਤਰ ਪਹੁੰਚੀ ਸੀ। ਡਾਕਟਰਾਂ ਦੀ ਟੀਮ ਜਦੋਂ ਵਿਜੀਲੈਂਸ ਦਫ਼ਤਰ ਪਹੁੰਚੀ ਤਾਂ ਉਨ੍ਹਾਂ ਦੇਖਿਆ ਕਿ ਵਿਧਾਇਕ ਦੀ ਸਿਹਤ ਕੁਝ ਜ਼ਿਆਦਾ ਖ਼ਰਾਬ ਹੈ, ਇਸ ਲਈ ਉਨ੍ਹਾਂ ਵਿਧਾਇਕ ਨੂੰ ਹਸਪਤਾਲ ਲਿਜਾਣ ਲਈ ਕਿਹਾ। ਵਿਜੀਲੈਂਸ ਅਧਿਕਾਰੀ ਵਿਧਾਇਕ ਨੂੰ ਲੈ ਕੇ ਹਸਪਤਾਲ ਪਹੁੰਚੇ ਜਿੱਥੇ ਡਾਕਟਰਾਂ ਵੱਲੋਂ ਉਸ ਦੀ ਅਲਟਰਾਸਾਊਂਡ ਕੀਤੀ ਗਈ। ਇਸ ਵਿੱਚ ਅਰੋੜਾ ਦੇ ਪਿੱਤੇ ’ਚ ਪੱਥਰੀ ਦੱਸੀ ਜਾ ਰਹੀ ਹੈ। ਡਾਕਟਰਾਂ ਵੱਲੋਂ ਉਸ ਨੂੰ ਦਵਾਈਆਂ ਦੇ ਕੇ ਛੁੱਟੀ ਦਿੱਤੀ ਗਈ ਸੀ, ਜਿਸ ਤੋਂ ਬਾਅਦ ਪੁੱਛ-ਪੜਤਾਲ ਅਧਿਕਾਰੀ ਵਿਧਾਇਕ ਨੂੰ ਫਿਰ ਦਫ਼ਤਰ ਲੈ ਗਏ।