ਦਿਹਾਤੀ ਮਜ਼ਦੂਰ ਸਭਾ ਵੱਲੋਂ ਜਥੇਬੰਦੀ ਦੀ ਮਜ਼ਬੂਤੀ ਬਾਰੇ ਵਿਚਾਰ-ਚਰਚਾ

ਪੱਤਰ ਪ੍ਰੇਰਕ
ਰਤੀਆ, 6 ਫਰਵਰੀ

ਇੱਥੇ ਦਿਹਾਤੀ ਮਜ਼ਦੂਰ ਸਭਾ ਪਿੰਡ ਲਾਲੀ ਅਤੇ ਪਿੰਡ ਅਲਾਵਲਵਾਸ ਦੀਆਂ ਇਕਾਈਆਂ ਦੀ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਦੋਵਾਂ ਪਿੰਡਾਂ ਦੀ ਪ੍ਰਧਾਨਗੀ ਪਿੰਡ ਲਾਲੀ ਦੇ ਸਾਥੀ ਸੁੱਖਾ ਸਿੰਘ ਅਤੇ ਪਿੰਡ ਅਲਾਵਲਵਾਸ ਦੇ ਪ੍ਰਧਾਨ ਕਾਲਾ ਸਿੰਘ ਨੇ ਕੀਤੀ। ਦੋਵੇਂ ਪਿੰਡਾਂ ਵਿਚ ਜਥੇਬੰਦੀ ਨੂੰ ਮਜ਼ਬੂਤ ਕਰਨ ਬਾਰੇ ਚਰਚਾ ਕੀਤੀ ਗਈ। ਪਿੰਡ ਲਾਲੀ ਵਿਚ ਗਠਿਤ ਕੀਤੀ ਗਈ 7 ਮੈਂਬਰੀ ਕਮੇਟੀ ਵਿਚ ਪ੍ਰਧਾਨ ਬਲਦੇਵ ਸਿੰਘ ਤੋਂ ਇਲਾਵਾ ਸੁੱਖਾ ਸਿੰਘ, ਵਜੀਰ ਸਿੰਘ, ਭੀਮ ਸਿੰਘ, ਮਹਿੰਦਰ ਸਿੰਘ, ਰਾਜ ਕੁਮਾਰ ਅਤੇ ਕੇਸ਼ੂ ਰਾਮ ਨੂੰ ਕਾਰਜਕਰਨੀ ਮੈਂਬਰ ਵਿਚ ਸ਼ਾਮਲ ਕੀਤਾ ਗਿਆ। ਇਸੇ ਤਰ੍ਹਾਂ ਪਿੰਡ ਅਲਾਵਲਵਾਸ ਵਿਚ 7 ਮੈਂਬਰੀ ਕਮੇਟੀ ਦਾ ਗਠਨ ਕਰਦੇ ਹੋਏ ਕਾਲਾ ਰਾਮ ਨੂੰ ਪ੍ਰਧਾਨ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਕਾਕੂ ਰਾਮ, ਪੱਪੂ ਰਾਮ, ਦੀਪ ਸਿੰਘ, ਜਗਜੀਤ ਸਿੰਘ, ਮਾਂਗੂ ਰਾਮ ਆਦਿ ਨੂੰ ਕਾਰਜਕਾਰਨੀ ਵਿਚ ਸ਼ਾਮਿਲ ਕੀਤਾ ਗਿਆ।