ਦਿਮਾਗੀ ਕੈਂਸਰ ਤੋਂ ਪੀੜਤ ਨੌਜਵਾਨ ਦੀ ਮੌਤ

ਪੱਤਰ ਪ੍ਰੇਰਕ
ਕੁੱਪ ਕਲਾਂ, 21 ਦਸੰਬਰ
ਜ਼ਿਲ੍ਹਾ ਮਾਲੇਰਕੋਟਲਾ ਪਿੰਡ ਕੁੱਪ ਕਲਾਂ ਵਿੱਚ ਦਿਮਾਗੀ ਕੈਂਸਰ ਨਾਲ ਪੀੜਤ 20 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ। ਕੇਵਲ ਸਿੰਘ ਔਲਖ ਕੁੱਪ ਕਲਾਂ ਨੇ ਦੱਸਿਆ ਕਿ ਉਨ੍ਹਾਂ ਦਾ ਹੋਣਹਾਰ ਪੁੱਤਰ ਮਨਿੰਦਰਜੀਤ ਸਿੰਘ 12 ਜਮਾਤਾਂ ਹੀ ਪਾਸ ਕਰ ਸਕਿਆ ਸੀ ਕਿ ਖੇਡਦੇ ਸਮੇਂ ਮਨਿੰਦਰਜੀਤ ਦੀ ਅਚਾਨਕ ਬਾਂਹ ਪਿੱਛੇ ਵੱਲ ਘੁੰਮ ਜਾਂਦੀ ਸੀ ਤੇ ਲੱਤ ਕੰਬਣ ਲੱਗ ਜਾਂਦੀ ਸੀ। ਮੁੱਢਲੀ ਜਾਂਚ ਦੌਰਾਨ ਦਿਮਾਗ ਵਿੱਚ ਕੈਂਸਰ ਹੋਣ ਦੀ ਪੁਸ਼ਟੀ ਹੁੰਦੀ ਹੈ ਤਾਂ ਬੀਤੇ ਕਰੀਬ ਤਿੰਨ ਵਰ੍ਹਿਆਂ ਤੋਂ ਲੁਧਿਆਣਾ ਦੇ ਹਸਪਤਾਲ ਤੋਂ ਮਨਿੰਦਰਜੀਤ ਦਾ ਇਲਾਜ ਚੱਲ ਰਿਹਾ ਸੀ, ਜਿਸ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ।