ਚਾਰ ਸਾਲਾ ਦੀ ਬੱਚੀ ਲਾਵਾਰਸ ਹਾਲਤ ਵਿੱਚ ਮਿਲੀ

ਨਿੱਜੀ ਪੱਤਰ ਪੇ੍ਰਕ

ਜ਼ੀਰਕਪੁਰ, 6 ਫਰਵਰੀ

ਇਥੋਂ ਦੇ ਭਬਾਤ ਖੇਤਰ ਵਿੱਚ ਇਕ ਚਾਰ ਸਾਲਾ ਦੀ ਬੱਚੀ ਲਾਵਾਰਿਸ ਹਾਲਤ ਵਿੱਚ ਮਿਲੀ ਹੈ। ਸਥਾਨਕ ਲੋਕਾਂ ਵੱਲੋਂ ਬੱਚੀ ਨੂੰ ਪੁਲੀਸ ਦੇ ਹਵਾਲੇ ਕਰ ਦਿੱਤਾ ਹੈ। ਪੜਤਾਲੀਆ ਅਫਸਰ ਏ.ਐਸ.ਆਈ. ਰਾਜੇਸ਼ ਚੌਹਾਨ ਨੇ ਦੱਸਿਆ ਕਿ ਭਬਾਤ ਖੇਤਰ ਦੀ ਵਿਕਟੋਰਿਆ ਸਿਟੀ ਦੇ ਵਸਨੀਕ ਹਰਪਾਲ ਸਿੰਘ ਅਤੇ ਸੱਜਣ ਸਿੰਘ ਨੇ ਸੂਚਨਾ ਦਿੱਤੀ ਸੀ ਕਿ ਸੁਸਾਇਟੀ ਦੇ ਗੇਟ ਮੁਹਰੇ ਇਕ ਛੋਟੀ ਬੱਚੀ ਕਾਫੀ ਦੇਰ ਦੀ ਰੋ ਰਹੀ ਹੈ। ਬੱਚੀ ਵੱਲੋਂ ਆਪਣੇ ਪਿਤਾ ਦੀ ਨਾਂ ਸੁਨੀਲ ਦੱਤ ਅਤੇ ਮਾਤਾ ਦਾ ਨਾਂ ਆਸ਼ਾ ਦੱਸ ਰਹੀ ਹੈ। ਪੁਲੀਸ ਨੇ ਬੱਚੀ ਨੂੰ ਕਬਜ਼ੇ ਵਿੱਚ ਲੈ ਕੇ ਉਸਦੇ ਮਾਪਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।