ਚਾਰ ਪਿਸਤੌਲਾਂ ਤੇ ਕਾਰਤੂਸਾਂ ਸਣੇ ਤਿੰਨ ਗ੍ਰਿਫ਼ਤਾਰ
03:52 AM May 23, 2025 IST
ਪੀ.ਪੀ. ਵਰਮਾ
Advertisement
ਪੰਚਕੂਲਾ, 22 ਮਈ
ਇੱਥੋਂ ਦੀ ਕ੍ਰਾਈਮ ਬ੍ਰਾਂਚ ਦੀ ਟੀਮ ਨੇ ਸੈਕਟਰ-15 ਦੀ ਸਬਜ਼ੀ ਮੰਡੀ ਨੇੜੇ ਤੋਂ ਤਿੰਨ ਜਣਿਆਂ ਨੂੰ ਚਾਰ ਪਿਸਤੌਲਾਂ ਅਤੇ ਸੱਤ ਕਾਰਤੂਸਾਂ ਸਮੇਤ ਗ੍ਰਿਫ਼ਤਾਰ ਕੀਤਾ। ਪੁਲੀਸ ਨੇ ਮੁਲਜ਼ਮ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਚਾਰ ਦਿਨਾਂ ਦਾ ਪੁਲੀਸ ਰਿਮਾਂਡ ਹਾਸਲ ਕੀਤਾ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਤਿੰਨੋਂ ਪੰਚਕੂਲਾ ਵਿੱਚ ਇੱਕ ਵੱਡਾ ਅਪਰਾਧ ਕਰਨ ਆਏ ਸਨ। ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਦੀ ਪਹਿਚਾਣ ਅਭਿਆਸ ਉਰਫ਼ ਬਾਬਾ, ਮੁਹੰਮਦ ਆਦਿਲ ਉਰਫ਼ ਖਾਨ ਅਤੇ ਸੁਸ਼ੀਲ ਉਰਫ਼ ਬਾਊਆ ਵਜੋਂ ਹੋਈ ਹੈ। ਪੁਲੀਸ ਅਨੁਸਾਰ ਅਭਿਆਸ ਵਿਰੁੱਧ 12 ਮਾਮਲੇ ਦਰਜ ਹਨ। ਡੀਸੀਪੀ ਕ੍ਰਾਈਮ ਅਮਿਤ ਦਹੀਆ ਨੇ ਦੱਸਿਆ ਕਿ ਕ੍ਰਾਈਮ ਬ੍ਰਾਂਚ ਸੈਕਟਰ-26 ਦੀ ਟੀਮ ਗਸ਼ਤ 'ਤੇ ਸੀ। ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਸੈਕਟਰ-15 ਦੀ ਸਬਜ਼ੀ ਮੰਡੀ ਨੇੜੇ ਇੱਕ ਬੂਥ ਕੋਲ ਤਿੰਨ ਸ਼ੱਕੀ ਨੌਜਵਾਨ ਖੜ੍ਹੇ ਹਨ। ਤਲਾਸ਼ੀ ਦੌਰਾਨ, ਅਭਿਆਸ ਤੋਂ ਦੋ ਪਿਸਤੌਲ, ਆਦਿਲ ਤੋਂ ਇੱਕ ਪਿਸਤੌਲ ਅਤੇ ਸੁਸ਼ੀਲ ਤੋਂ ਇੱਕ ਪਿਸਤੌਲ ਬਰਾਮਦ ਹੋਇਆ।
Advertisement
Advertisement