ਗੋਲੀਆਂ ਚੱਲਣ ਦੇ ਮਾਮਲੇ ਦੀ ਜਾਂਚ ਸ਼ੁਰੂ

ਸ਼ਸ਼ੀ ਪਾਲ ਜੈਨ
ਖਰੜ, 27 ਨਵੰਬਰ
ਖਰੜ ਪੁਲੀਸ ਵੱਲੋਂ ਐੱਸਬੀਪੀ ਨਾਰਥ ਵੈਲੀ ਸੰਤੇਮਾਜਰਾ ਵਿੱਚ ਹਵਾ ਵਿੱਚ ਗੋਲੀਆਂ ਚਲਾਉਣ ਸਬੰਧੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਸਬੰਧ ਵਿੱਚ ਟਾਵਰ ਨੰਬਰ 3 ਵਿੱਚ ਸੁਖਜੀਵਨ ਸਿੰਘ ਨਾਂ ਦੇ ਇੱਕ ਕਿਰਾਏਦਾਰ ਨੇ ਪੁਲੀਸ ਨੂੰ ਸ਼ਿਕਾਇਤ ਕੀਤੀ ਸੀ ਕਿ ਉਸ ਦਾ ਦੋਸਤ ਸਿਮਰਨ ਉਸ ਨੂੰ ਮਿਲਣ ਆਇਆ ਹੋਇਆ ਸੀ। ਉਹ ਦੋਵੇਂ ਜਣੇ ਰੋਟੀ ਖਾ ਕੇ ਆਪੋ-ਆਪਣੇ ਕਮਰੇ ਵਿਚ ਸੌਂ ਗਏ। ਸ਼ਿਕਾਇਤਕਰਤਾ 23 ਨਵੰਬਰ ਨੂੰ ਫਲੈਟ ਵਿੱਚੋਂ ਚਾਹ ਪੀਣ ਲਈ ਅਮਾਰਿਆ ਗਰੀਨ ਦੇ ਸਾਹਮਣੇ ਚਲਾ ਗਿਆ ਤੇ ਉਸ ਦਾ ਦੋਸਤ ਫਲੈਟ ਵਿੱਚ ਸੌਂ ਗਿਆ। ਸਵੇਰੇ ਉਸ ਦੇ ਦੋਸਤ ਨੇ ਦੇਖਿਆ ਕਿ ਉਸ ਕਮਰੇ ਦਾ ਬਾਲਕੋਨੀ ਵਾਲਾ ਸ਼ੀਸ਼ਾ ਟੁੱਟਿਆ ਹੋਇਆ ਸੀ ਅਤੇ ਉਨ੍ਹਾਂ ਨੂੰ ਕਮਰੇ ਵਿਚੋਂ ਚੱਲਿਆ ਹੋਇਆ ਕਾਰਤੂਸ ਮਿਲਿਆ। ਉਨ੍ਹਾਂ ਦੋਸ਼ ਲਾਇਆ ਕਿ ਕਿਸੇ ਵਿਅਕਤੀ ਨੇ ਹਵਾਈ ਫਾਇਰ ਕਰ ਕੇ ਇਸ ਘਟਨਾ ਨੂੰ ਅੰਜ਼ਾਮ ਦਿੱਤਾ ਹੈ।