ਗੀਜ਼ਰ ਦੀ ਗੈਸ ਚੜ੍ਹਨ ਕਾਰਨ ਦੋ ਸਕੇ ਭਰਾਵਾਂ ਮੌਤ

ਟੋਹਾਣਾ: ਹਿਸਾਰ ਦੀ ਤਿਲਕ ਸ਼ਾਮ ਗਲੀ ਵਿੱਚ ਗੀਜ਼ਰ ਦੀ ਗੈਸ ਚੜ੍ਹਨ ਕਾਰਨ ਦੋ ਸਕੇ ਭਰਾਵਾਂ ਦੀ ਮੌਤ ਹੋ ਗਈ ਹੈ। ਮ੍ਰਿਤਕਾਂ ਦੀ ਪਛਾਣ ਸੋਹਮ (11) ਅਤੇ ਮਾਧਵ (8) ਵਾਸੀ ਤਿਲਕ ਸ਼ਾਮ ਗਲੀ ਵਜੋਂ ਹੋਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਦੋਵੇਂ ਭਰਾ ਕਟਵਾ ਕੇ ਆਏ ਸਨ ਅਤੇ ਉਹ ਬਾਥਰੂਮ ਵਿੱਚ ਇਕੱਠੇ ਨਹਾਉਣ ਲੱਗ ਪਏ। ਇਸ ਦੌਰਾਨ ਕਾਫ਼ੀ ਸਮਾਂ ਜਦੋਂ ਉਦੋਂ ਬਾਹਰ ਨਾ ਆਏ ਤਾਂ ਉਨ੍ਹਾਂ ਦੇ ਮਾਤਾ ਪਿਤਾ ਨੇ ਕਿਸੇ ਤਰੀਕੇ ਬਾਥਰੂਮ ਅੰਦਰ ਦੇਖਿਆ। ਬਾਥਰੂਮ ਵਿੱਚ ਗੀਜ਼ਰ ਦੀ ਗੈਸ ਲੀਕ ਹੋਣ ਕਾਰਨ ਦੋਵੇਂ ਜਣੇ ਬੇਹੋਸ਼ ਪਏ ਸਨ। ਇਸ ਮਗਰੋਂ ਪਰਿਵਾਰਕ ਮੈਂਬਰਾਂ ਵੱਲੋਂ ਉਨ੍ਹਾਂ ਨੂੰ ਬੱਚਿਆਂ ਦੇ ਹਸਪਤਾਲ ਲਿਜਾਇਆ ਗਿਆ, ਜਿਥੇ ਡਾਕਟਰਾਂ ਟੀਮ ਨੇ ਦੋਵਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਜ਼ਿਕਰਯੋਗ ਹੈ ਕਿ ਪੀੜਤ ਪਰਿਵਾਰ ਨੇ ਦੋਵਾਂ ਸਸਕਾਰ ਕਰ ਦਿੱਤਾ ਹੈ। -ਪੱਤਰ ਪ੍ਰੇਰਕ