ਕਰੰਟ ਲੱਗਣ ਕਾਰਨ ਦੋ ਮੱਝਾਂ ਦੀ ਮੌਤ

ਪੱਤਰ ਪ੍ਰੇਰਕ
ਤਰਨ ਤਾਰਨ, 25 ਮਈ
ਇਲਾਕੇ ਦੇ ਪਿੰਡ ਸੇਰੋਂ ਦੇ ਪਸ਼ੂ ਪਾਲਕ ਦੀਆਂ ਦੋ ਲਵੇਰੀਆਂ ਮੱਝਾਂ ਦੀ ਅੱਜ ਕਰੰਟ ਲੱਗਣ ਕਾਰਨ ਮੌਤ ਹੋ ਗਈ| ਹਾਦਸੇ ਦੇ ਪੀੜਤ ਪਸ਼ੂ ਪਾਲਕ ਜੈਮਲ ਸਿੰਘ ਨੇ ਦੱਸਿਆ ਕਿ ਉਸ ਨੇ ਆਪਣੀਆਂ ਮੱਝਾਂ ਦਰੱਖਤ ਨਾਲ ਬੰਨ੍ਹੀਆਂ ਸਨ ਕਿ ਮੀਂਹ ਦੌਰਾਨ ਦਰੱਖਤ ਵਿੱਚ ਕਰੰਟ ਆ ਗਿਆ ਨਾਲ ਉਸ ਦੀਆਂ ਮੱਝਾਂ ਦੀ ਮੌਤ ਹੋ ਗਈ| ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਆਗੂ ਬਲਜਿੰਦਰ ਸਿੰਘ ਨੇ ਇਸ ਲਈ ਪਾਵਰਕੌਮ ਨੂੰ ਕਸੂਰਵਾਰ ਆਖਦਿਆਂ ਪਸ਼ੂ ਪਾਲਕ ਲਈ ਉਚਿੱਤ ਮੁਆਵਜ਼ੇ ਦੀ ਮੰਗ ਕੀਤੀ ਹੈ| ਇਸ ਸਬੰਧੀ ਪਾਵਰਕੌਮ ਦੇ ਸਥਾਨਕ ਦਿਹਾਤੀ ਮੰਡਲ ਦੇ ਸੀਨੀਅਰ ਕਾਰਜਕਾਰੀ ਇੰਜਨੀਅਰ (ਐਕਸੀਅਨ) ਗਗਨਦੀਪ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਮਾਮਲੇ ਦੀ ਕੋਈ ਜਾਣਕਾਰੀ ਨਹੀਂ ਹੈ|