ਐਸਸੀ ਵਿਦਿਆਰਥੀਆਂ ਦੀਆਂ ਬਲਾਕ ਪੱਧਰੀ ਖੇਡਾਂ ਅੱਜ ਤੋਂ

ਬਠਿੰਡਾ: ਜ਼ਿਲ੍ਹੇ ਅਧੀਨ ਪੈਂਦੇ ਸੱਤ ਬਲਾਕਾਂ ਦੀਆਂ ਐਸਸੀ ਲੜਕੇ ਤੇ ਲੜਕੀਆਂ ਦੀਆਂ ਪੰਜਵੀ ਜਮਾਤ ਦੀਆਂ ਪ੍ਰਾਇਮਰੀ ਪੱਧਰ ‘ਤੇ ਖੇਡਾਂ ਭਲਕੇ ਤੋਂ ਸ਼ੁਰੂ ਹੋ ਰਹੀਆਂ ਹਨ। ਜ਼ਿਲ੍ਹਾ ਮੀਡੀਆ ਕੋਆਰਡੀਨੇਟਰ ਬਲਵੀਰ ਸਿੰਘ ਕਮਾਂਡੋ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸੰਗਤ ਬਲਾਕ ਦੀਆਂ ਖੇਡਾਂ 7 ਫਰਵਰੀ ਨੂੰ, ਬਠਿੰਡਾ, ਮੌੜ ਅਤੇ ਭਗਤਾ ਬਲਾਕ ਦੀਆਂ ਖੇਡਾਂ 8, ਤਲਵੰਡੀ ਸਾਬੋ ਅਤੇ ਰਾਮਪੁਰਾ ਬਲਾਕ ਦੀਆਂ ਖੇਡਾਂ 9 ਨੂੰ, ਤਲਵੰਡੀ ਸਾਬੋ, ਅਤੇ ਰਾਮਪੁਰਾ ਵਿੱਚ ਖੇਡਾਂ ਕਰਵਾਈਆਂ ਜਾ ਰਹੀਆਂ ਹਨ। ਇਨ੍ਹਾਂ ਖੇਡਾਂ ਵਿੱਚ ਕਬੱਡੀ ,ਖੋ-ਖੋ, ਅਥਲੈਟਿਕ, ਲੰਬੀ ਤੇ ਉੱਚੀ ਛਾਲ ਜਿਮਨਾਸਟਿਕ, 100 ਅਤੇ 400 ਮੀਟਰ ਆਦਿ ਟਰੈਕ ਦੌੜਾਂ ਕਰਵਾਈਆਂ ਜਾਣਗੀਆਂ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਮੇਵਾ ਸਿੰਘ ਸਿੱਧੂ ਨੇ ਦੱਸਿਆ ਕਿ ਪਹਿਲੀਆਂ ਤਿੰਨ ਪੁਜੀਸ਼ਨਾਂ ਪ੍ਰਾਪਤ ਕਰਨ ਵਾਲੇ ਲੜਕੇ ਤੇ ਲੜਕੀਆਂ ਨੂੰ ਅਗਲੀ ਜਾਮਤ ਵਿਚ ਵਜੀਫ਼ਾ ਦਿੱਤਾ ਜਾਵੇਗਾ। -ਪੱਤਰ ਪ੍ਰੇਰਕ