ਅਰਜਨਟੀਨਾ ’ਚ ਚਾਰ ਦੇਸ਼ੀ ਟੂਰਨਾਮੈਂਟ ਖੇਡੇਗੀ ਭਾਰਤੀ ਜੂਨੀਅਰ ਮਹਿਲਾ ਹਾਕੀ ਟੀਮ

ਨਵੀਂ ਦਿੱਲੀ: ਭਾਰਤੀ ਜੂਨੀਅਰ ਮਹਿਲਾ ਹਾਕੀ ਟੀਮ ਇਸ ਸਾਲ 25 ਮਈ ਤੋਂ ਅਰਜਨਟੀਨਾ ਵਿੱਚ ਚਾਰ ਦੇਸ਼ਾਂ ਦਾ ਟੂਰਨਾਮੈਂਟ ਖੇਡੇਗੀ। ਟੀਮ ਰੋਸਾਰੀਓ ’ਚ ਅਰਜਨਟੀਨਾ, ਉਰੂਗੁਏ ਅਤੇ ਚਿਲੀ ਵਿਰੁੱਧ ਛੇ ਨੁਮਾਇਸ਼ੀ ਮੈਚ ਖੇਡੇਗੀ। ਭਾਰਤ ਪਹਿਲਾ ਮੈਚ 25 ਮਈ ਨੂੰ ਚਿਲੀ ਵਿਰੁੱਧ ਖੇਡੇਗਾ ਅਤੇ ਅਗਲੇ ਦਿਨ ਉਰੂਗਵੇ ਨਾਲ ਭਿੜੇਗਾ। ਭਾਰਤ ਦਾ 28 ਮਈ ਨੂੰ ਅਰਜਨਟੀਨਾ ਖ਼ਿਲਾਫ਼ ਮੈਚ ਹੋਵੇਗਾ। ਇਸ ਮਗਰੋਂ ਭਾਰਤ 30 ਮਈ ਨੂੰ ਚਿਲੀ, ਪਹਿਲੀ ਜੂਨ ਨੂੰ ਉਰੂਗਵੇ ਅਤੇ 2 ਜੂਨ ਨੂੰ ਅਰਜਨਟੀਨਾ ਦਾ ਸਾਹਮਣਾ ਕਰੇਗਾ। -ਪੀਟੀਆਈ