ਅਮਰੀਕੀ ਟੈਕਸਾਂ ਕਾਰਨ ਭਾਰਤ ਦੀ ਵਿਕਾਸ ਦਰ ਘਟਣ ਦੀ ਸੰਭਾਵਨਾ

ਨਵੀਂ ਦਿੱਲੀ: ਅਮਰੀਕੀ ਜਵਾਬੀ ਟੈਕਸ ਲਾਗੂ ਹੋਣ ਨਾਲ ਅਗਲੇ ਦੋ ਸਾਲਾਂ ਅੰਦਰ ਭਾਰਤ, ਚੀਨ ਤੇ ਜਪਾਨ ਜਿਹੇ ਅਹਿਮ ਏਸ਼ੀਆ-ਪ੍ਰਸ਼ਾਂਤ ਮੁਲਕਾਂ ਦੇ ਅਰਥਚਾਰਿਆਂ ਦੀ ਵਿਕਾਸ ਦਰ ’ਚ 0.20 ਤੋਂ 0.40 ਫੀਸਦ ਤੱਕ ਦੀ ਗਿਰਾਵਟ ਆ ਸਕਦੀ ਹੈ। ਐੱਸਐਂਡਪੀ ਗਲੋਬਲ ਰੇਟਿੰਗਜ਼ ਨੇ ਅੱਜ ਕਿਹਾ ਕਿ ਅਮਰੀਕਾ ਦੀ ਜਵਾਬੀ ਟੈਕਸ ਲਾਉਣ ਦੀ ਧਮਕੀ ਨੇ ਆਲਮੀ ਵਪਾਰ ਤੇ ਭਰੋਸੇ ਨੂੰ ਘੱਟ ਕਰ ਦਿੱਤਾ ਹੈ। ਚੀਨ ਤੇ ਅਮਰੀਕਾ ਨਾਲ ਬਰਾਮਦ ਦੇ ਖੇਤਰ ਦੀ ਨਿਰਭਰਤਾ ਦਾ ਨਿਰਮਾਣਕਰਤਾਵਾਂ ਤੇ ਛੋਟੇ ਅਰਥਚਾਰਿਆਂ ’ਤੇ ਬਹੁਤ ਜ਼ਿਆਦਾ ਅਸਰ ਪਵੇਗਾ। ਐੱਸ ਐਂਡ ਪੀ ਗਲੋਬਲ ਰੇਟਿੰਗ ਦੇ ਖੋਜ ਮੁਖੀ (ਏਸ਼ੀਆ-ਪ੍ਰਸ਼ਾਂਤ) ਯੂਨਿਸ ਟੈਨ ਨੇ ਕਿਹਾ, ‘ਜੇ ਦੋ ਅਪਰੈਲ, 2025 ਨੂੰ ਐਲਾਨੇ ਟੈਕਸ ਮੁੜ ਲਾਗੂ ਹੋ ਜਾਂਦੇ ਹਨ ਤਾਂ ਇਸ ਦੇ ਭੂ-ਰਾਜਨੀਤਕ ਤੇ ਆਰਥਿਕ ਨਤੀਜੇ ਗੰਭੀਰ ਹੋਣਗੇ।’ ਐੱਸਐਂਡਪੀ ਨੇ ਮਾਰਚ 2025 ਤੇ 2026 ਲਈ ਕ੍ਰਮਵਾਰ 6.5 ਫੀਸਦ ਤੇ 6.8 ਫੀਸਦ ਦੀ ਵਿਕਾਸ ਦਰ ਦਾ ਅਨੁਮਾਨ ਲਾਇਆ ਸੀ। -ਪੀਟੀਆਈ