ਮੋਟਰਸਾਈਕਲ ਸਵਾਰ ਕੋਲੋਂ 11 ਕਿੱਲੋ ਚੂਰਾ ਪੋਸਤ ਬਰਾਮਦ

ਪੱਤਰ ਪ੍ਰੇਰਕ
ਟੋਹਾਣਾ, 11 ਅਪਰੈਲ
ਇੱਥੇ ਟੋਹਾਣਾ ਸਿਟੀ ਥਾਣਾ ਪੁਲੀਸ ਦੀ ਟੀਮ ਨੇ 11 ਕਿੱਲੋ 362 ਗਰਾਮ ਚੂਰਾ ਪੋਸਤ ਨਾਲ ਮੋਟਰਸਾਈਕਲ ਸਵਾਰ ਨੂੰ ਕਾਬੂ ਕੀਤਾ ਹੈ।
ਪੁਲੀਸ ਨੇ ਨਾਕੇ ਦੌਰਾਨ ਦੌਰਾਨ ਰਵੀਦਾਸ ਮੁਹੱਲੇ ਵਿੱਚ ਮੋਟਰਸਾਈਕਲ ’ਤੇ ਪਲਾਸਟਿਕ ਥੈਲੇ ਨੂੰ ਕਰੀਅਰ ’ਤੇ ਬੰਨ੍ਹ ਕੇ ਜਾਂਦੇ ਸਮੇਂ ਇਕ ਨੌਜਵਾਨ ਸ਼ੱਕ ਦੇ ਆਧਾਰ ’ਤੇ ਰੋਕਿਆ। ਪੁਲੀਸ ਮੁਲਾਜ਼ਮਾਂ ਨੇ ਜਦੋਂ ਉਸ ਦੇ ਥੈਲੇੇ ਦੀ ਤਲਾਸ਼ੀ ਲਈ, ਉਸ ਵਿੱਚੋਂ 11 ਕਿੱਲੋ 362 ਗਰਾਮ ਚੂਰਾਪੋਸਤ ਬਰਾਮਦ ਹੋਇਆ। ਸੀਆਈਏ ਟੀਮ ਦੀ ਅਗਵਾਈ ਕਰ ਰਹੇ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਮੁਲਜ਼ਮ ਦੀ ਪਛਾਣ ਪਾਲਾਰਾਮ ਉਰਫ਼ ਰਾਜਪਾਲ ਵਾਸੀ ਰਵੀਦਾਸ ਮੁਹੱਲਾ ਟੋਹਾਣਾ ਵਜੋਂ ਹੋਈ ਹੈ। ਪੁਲੀਸ ਨੇ ਨੌਜਵਾਨ ਦੇ ਵਿਰੁੱਧ ਸਿਟੀ ਥਾਣਾ ਟੋਹਾਣਾ ਵਿੱਚ ਕੇਸ ਦਰਜ ਕਰਕੇ ਜਾਂਚ ਆਰੰਭ ਦਿੱਤੀ ਹੈ। ਪੁਲੀਸ ਨੇ ਉਸ ਦਾ ਮੋਟਰਸਾਈਕਲ ਵੀ ਜ਼ਬਤ ਕਰ ਲਿਆ ਹੈ। ਮੁਲਜ਼ਮ ਤੋਂ ਹੋਰ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।