ਫਾਊਂਡੇਸ਼ਨ ਵੱਲੋਂ ਗੋਲਡੀ ਯੂਐੱਸਏ ਦਾ ਸਨਮਾਨ
04:44 AM Feb 04, 2025 IST
Advertisement
ਲੁਧਿਆਣਾ: ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਂਡੇਸ਼ਨ ਦੀ ਮੀਟਿੰਗ ਇੱਥੇ ਹੋਈ ਜਿਸ ਵਿੱਚ ਅਮਰੀਕਾ ਦੇ ਕਾਰੋਬਾਰੀ, ਸਮਾਜਸੇਵੀ ਅਤੇ ਫਾਊਂਡੇਸ਼ਨ ਦੇ ਮੁੱਖ ਸਰਪ੍ਰਸਤ ਹਰਦੀਪ ਸਿੰਘ ਗੋਲਡੀ ਯੂਐੱਸਏ ਨੂੰ ਸਾਈਕਲ ਨਿਰਮਾਤਾ ‘ਸੋਹਣ ਲਾਲ ਪਾਹਵਾ ਯਾਦਗਾਰੀ ਪੁਰਸਕਾਰ’ ਨਾਲ ਸਨਮਾਨਿਤ ਕੀਤਾ ਗਿਆ। ਰਕਬਾ ਭਵਨ ਵਿੱਚ ਕ੍ਰਿਸ਼ਨ ਕੁਮਾਰ ਬਾਵਾ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਵਿੱਚ ਉਨ੍ਹਾਂ ਨੂੰ ਪੁਸਤਕ ‘ਇਲਾਹੀ ਗਿਆਨ ਦਾ ਸਾਗਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ’ ਵੀ ਭੇਟ ਕੀਤੀ ਗਈ। ਇਸ ਮੌਕੇ ਸ੍ਰੀ ਬਾਵਾ ਨੇ ਕਿਹਾ ਕਿ ਹਰਦੀਪ ਸਿੰਘ ਗੋਲਡੀ ਨੇ ਜਲੰਧਰ ਵਿੱਚ ਗੋਲਡੀ ਚੱਪਲ ਦੇ ਨਿਰਮਾਤਾ ਬਣ ਕੇ ਬਿਜਨਸ ਨੂੰ ਬੁਲੰਦੀਆਂ ’ਤੇ ਪਹੁੰਚਾਇਆ ਅਤੇ ਫਿਰ ਅਮਰੀਕਾ ਜਾ ਕੇ ਗੈਸ ਸਟੇਸ਼ਨ ਅਤੇ ਪਰਫਿਊਮ ਦੇ ਖੇਤਰ ਵਿੱਚ ਅੰਤਰਰਾਸ਼ਟਰੀ ਪੱਧਰ ’ਤੇ ਨਾਮਣਾ ਖੱਟਿਆ। ਇਸ ਮੌਕੇ ਗੋਲਡੀ ਯੂਐੱਏ ਨੇ ਸ੍ਰੀ ਬਾਵਾ, ਰਾਣਾ ਝਾਂਡੇ, ਇੰਦਰਜੀਤ ਕੌਰ ਉਬਰਾਏ ਅਤੇ ਸਿੰਮੀ ਕਵਾਤਰਾ ਦਾ ਧੰਨਵਾਦ ਕੀਤਾ। -ਨਿੱਜੀ ਪੱਤਰ ਪ੍ਰੇਰਕ
Advertisement
Advertisement
Advertisement