ਪੰਚਕੂਲਾ ਪੁਲੀਸ ਵੱਲੋਂ 20 ਡਰਾਈਵਰਾਂ ਦੇ ਚਲਾਨ

ਪੱਤਰ ਪ੍ਰੇਰਕ
ਪੰਚਕੂਲਾ, 9 ਮਈ

ਟ੍ਰੈਫਿਕ ਪੁਲੀਸ ਪੰਚਕੂਲਾ ਨੇ ਸੜਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਤੇ ਹਾਦਸੇ ਘਟਾਉਣ ਦੇ ਉਦੇਸ਼ ਨਾਲ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਵਾਲਿਆਂ ਵਿਰੁੱਧ ਕਾਰਵਾਈ ਕੀਤੀ ਹੈ। ਪੰਚਕੂਲਾ ਟ੍ਰੈਫਿਕ ਇੰਸਪੈਕਟਰ ਸੁਨੀਲ ਕੁਮਾਰ ਨੇ ਦੱਸਿਆ ਕਿ ਚੈੱਕ ਪੋਸਟ ਦੌਰਾਨ ਪੁਲੀਸ ਨੇ ਰਾਤ ਨੂੰ ਐਲਕੋਸੈਂਸਰ ਦੀ ਮਦਦ ਨਾਲ 900 ਤੋਂ ਵੱਧ ਡਰਾਈਵਰਾਂ ਦੀ ਜਾਂਚ ਕੀਤੀ, ਜਿਸ ਦੌਰਾਨ 20 ਡਰਾਈਵਰ ਨੂੰ ਸ਼ਰਾਬ ਪੀ ਕੇ ਗੱਡੀ ਚਲਾਉਂਦੇ ਪਾਏ ਗਏ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਡਰਾਈਵਰਾਂ ਦੇ ਚਲਾਨ ਕੱਟੇ ਗਏ ਅਤੇ 2 ਵਾਹਨ ਵੀ ਜ਼ਬਤ ਕੀਤੇ ਗਏ। ਉਨ੍ਹਾਂ ਨੇ ਡਰਾਈਵਰਾਂ ਨੂੰ ਆਪਣੀ ਤੇ ਲੋਕਾਂ ਦੀ ਸੁਰੱਖਿਆ ਹਿੱਤ ਸ਼ਰਾਬ ਨਾ ਪੀ ਕੇ ਵਾਹਨ ਚਲਾਉਣ ਅਪੀਲ ਵੀ ਕੀਤੀ।