For the best experience, open
https://m.punjabitribuneonline.com
on your mobile browser.
Advertisement

ਨਿਹੰਗ ਜਥੇਬੰਦੀ ਨੇ ਹੋਟਲ ਦੇ ਗੇਟ ਨੂੰ ਜਿੰਦਾ ਲਾਇਆ

04:04 AM Feb 05, 2025 IST
ਨਿਹੰਗ ਜਥੇਬੰਦੀ ਨੇ ਹੋਟਲ ਦੇ ਗੇਟ ਨੂੰ ਜਿੰਦਾ ਲਾਇਆ
ਹੋਟਲ ਨੂੰ ਜਿੰਦਰਾ ਮਾਰਨ ਮੌਕੇ ਨਿਹੰਗ ਸਿੰਘ।
Advertisement
ਚਰਨਜੀਤ ਸਿੰਘ ਢਿੱਲੋਂਜਗਰਾਉਂ, 4 ਫਰਵਰੀ
Advertisement

ਇੱਥੇ ਮੋਗਾ ਰੋਡ ’ਤੇ ਸਥਿਤ ਇੱਕ ਹੋਟਲ ਦੇ ਗੇਟ ਨੂੰ ਨਿਹੰਗ ਸਿੰਘ ਜਥੇਬੰਦੀ ਨੇ ਜਿੰਦਾ ਲਗਾ ਦਿੱਤਾ। ਉਨ੍ਹਾਂ ਖ਼ਦਸ਼ਾ ਜ਼ਾਹਰ ਕੀਤਾ ਕਿ ਇਸ ਹੋਟਲ ਵਿੱਚ ਕਥਿਤ ਜਿਸਮਫ਼ਰੋਸ਼ੀ ਦੇ ਧੰਦਾ ਚੱਲਦਾ ਹੈ। ਇਸ ਮਗਰੋਂ ਉੱਥੇ ਸਥਿਤੀ ਤਣਾਅਪੂਰਨ ਹੋ ਗਈ। ਜਾਣਕਾਰੀ ਅਨੁਸਾਰ ਨਿਹੰਗ ਜਥੇਬੰਦੀ ਨੇ ਇਸ ਤੋਂ ਪਹਿਲਾਂ ਵੀ ਹੋਟਲ ਪ੍ਰਬੰਧਕਾਂ ਨੂੰ ਚਿਤਾਵਨੀ ਦਿੱਤੀ ਸੀ।

Advertisement

ਇਸ ਬਾਰੇ ਸਤਨਾਮ ਸਿੰਘ ਖਾਲਸਾ ਨੇ ਦੱਸਿਆ ਕਿ ਜਗਰਾਉਂ-ਮੋਗਾ ਰੋਡ ’ਤੇ ਸਥਿਤ ਇੱਕ ਹੋਟਲ ਵਿੱਚ ਨੌਜਵਾਨ ਮੁੰਡੇ-ਕੁੜੀਆਂ ਆਉਂਦੇ-ਜਾਂਦੇ ਰਹਿੰਦੇ ਸਨ। ਲੋਕ ਸਮਝਦੇ ਸਨ ਕਿ ਇੱਥੇ ਕੋਈ ਆਈਲੈੱਟਸ ਸੈਂਟਰ ਹੈ ਪਰ ਇਸ ਹੋਟਲ ’ਚ ਕਥਿਤ ਜਿਸਮਫ਼ਰੋਸ਼ੀ ਦਾ ਧੰਦਾ ਚੱਲਦਾ ਸੀ। ਨਿਹੰਗਾਂ ਨੇ ਦੋਸ਼ ਲਗਾਇਆ ਕਿ ਇਸ ਖ਼ਿਲਾਫ਼ ਚਿਤਾਵਨੀ ਦੇਣ ਦੇ ਬਾਵਜੂਦ ਸਿਆਸੀ ਪਹੁੰਚ ਦੇ ਚੱਲਦਿਆਂ ਪ੍ਰਬੰਧਕਾਂ ਨੇ ਇਹ ਗ਼ਲਤ ਕੰਮ ਬੰਦ ਨਾ ਕੀਤਾ। ਸਤਨਾਮ ਸਿੰਘ ਨੇ ਦੱਸਿਆ ਕਿ ਅੱਜ ਜਦੋਂ ਚਾਰ-ਪੰਜ ਜੋੜੇ ਅੰਦਰ ਚਲੇ ਗਏ ਤਾਂ ਨਿਹੰਗਾਂ ਨੇ ਹੋਟਲ ਦੇ ਗੇਟ ਨੂੰ ਜਿੰਦ ਲਗਾ ਦਿੱਤਾ। ਇਸ ਮਗਰੋਂ ਅੰਦਰ ਮੌਜੂਦ ਮੈਨੇਜਰ ਅਤੇ ਪ੍ਰੇਮੀ ਜੋੜੇ ਪਿਛਲੀ ਕੰਧ ਟੱਪ ਕੇ ਭੱਜ ਗਏ। ਇਸ ਮਗਰੋਂ ਰੌਲਾ ਪੈਣ ’ਤੇ ਇਕੱਤਰ ਹੋਏ ਲੋਕਾਂ ਨੇ ਦੋਸ਼ ਲਗਾਇਆ ਕਿ ਪੁਲੀਸ ਇਸ ਬਾਰੇ ਸਭ ਜਾਣਦੀ ਸੀ ਪਰ ਕੋਈ ਕਾਰਵਾਈ ਨਹੀਂ ਕੀਤੀ।

ਪੁਲੀਸ ਨੇ ਢੁਕਵੀਂ ਕਾਰਵਾਈ ਦਾ ਭਰੋਸਾ ਦਿੱਤਾ

ਚੌਕੀ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਆਖਿਆ ਕਿ ਜੇ ਕੋਈ ਵੀ ਬਾਲਗ ਆਪਣੀ ਮਰਜ਼ੀ ਨਾਲ ਹੋਟਲ ਵਿੱਚ ਆਉਂਦਾ ਹੈ ਤਾਂ ਪੁਲੀਸ ਕਾਰਵਾਈ ਨਹੀਂ ਕਰ ਸਕਦੀ ਹੈ। ਉਨ੍ਹਾਂ ਆਖਿਆ ਕਿ ਹਾਲ ਦੀ ਘੜੀ ਹੋਟਲ ਦਾ ਜਿੰਦਾ ਖੁੱਲ੍ਹਵਾ ਦਿੱਤਾ ਗਿਆ ਹੈ। ਪੁਲੀਸ ਨੇ ਲੋਕਾਂ ਨੂੰ ਸਹੀ ਕਾਰਵਾਈ ਕਰਨ ਦਾ ਭਰੋਸਾ ਦਿੱਤਾ ਹੈ।

Advertisement
Author Image

Jasvir Kaur

View all posts

Advertisement