ਧੀ ਦੇ ਵਿਆਹ ਲਈ ਬਣਾਏ ਗਹਿਣੇ ਚੋਰੀ

ਪੱਤਰ ਪ੍ਰੇਰਕ

ਪੰਚਕੂਲਾ, 10 ਜੂਨ
ਪੰਚਕੂਲਾ ਦੇ ਸੈਕਟਰ-27 ਦੀਆਂ ਝੁੱਗੀਆਂ ਵਿੱਚ ਇਕ ਪਰਿਵਾਰ ਨੇ ਆਪਣੀ ਧੀ ਦੇ ਵਿਆਹ ਲਈ ਬਣਾਏ ਗਹਿਣੇ ਚੋਰੀ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ ਹੈ। ਚੰਡੀਮੰਦਿਰ ਪੁਲੀਸ ਸਟੇਸ਼ਨ ਨੇ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ, ਸੈਕਟਰ-27 ਦੀ ਰਹਿਣ ਵਾਲੀ ਗੋਰੀ ਪਾਸਵਾਨ ਇਕ ਝੁੱਗੀ-ਝੌਪੜੀ ਵਿੱਚ ਰਹਿ ਰਹੀ ਹੈ। ਉਸ ਨੇ ਦੱਸਿਆ ਕਿ ਉਸ ਨੇ ਆਪਣੀ ਧੀ ਦੇ ਵਿਆਹ ਲਈ ਗਹਿਣੇ ਬਣਵਾਏ ਸਨ। ਝੌਪੜੀ ਵਿੱਚ ਰੱਖੀ ਅਲਮਾਰੀ ਵਿੱਚੋਂ ਗਹਿਣੇ ਚੋਰੀ ਹੋ ਗਏ। ਉਸ ਦੀਆਂ ਤਿੰਨ ਧੀਆਂ ਅਤੇ ਇੱਕ ਪੁੱਤਰ ਹੈ। ਗੌਰੀ ਪਾਸਵਾਨ ਨੇ ਦੱਸਿਆ ਕਿ ਉਸ ਨੇ ਵਿਆਹ ਲਈ 50 ਹਜ਼ਾਰ ਦੇ ਗਹਿਣੇ ਬਣਵਾਏ ਸਨ।