ਜੇਲ੍ਹ ’ਚੋਂ ਮੋਬਾਈਲ ਤੇ ਹੋਰ ਸਮੱਗਰੀ ਬਰਾਮਦ

ਕਪੂਰਥਲਾ: ਕੇਂਦਰੀ ਜੇਲ੍ਹ ਕਪੂਰਥਲਾ ਵਿੱਚ ਚੈਕਿੰਗ ਦੌਰਾਨ ਪੁਲੀਸ ਨੇ ਦੋ ਹਵਾਲਾਤੀਆਂ ਪਾਸੋਂ ਮੋਬਾਈਲ ਤੇ ਹੋਰ ਸਮੱਗਰੀ ਬਰਾਮਦ ਕਰ ਕੇ ਕੋਤਵਾਲੀ ਪੁਲੀਸ ਨੇ 52-ਏ ਪ੍ਰੀਜ਼ਨ ਐਕਟ ਤਹਿਤ ਕੇਸ ਦਰਜ ਕੀਤਾ ਹੈ। ਸਹਾਇਕ ਸੁਪਰਡੈਂਟ ਵਿਕਰਮ ਸਿੰਘ ਨੇ ਦੱਸਿਆ ਕਿ ਤਲਾਸ਼ੀ ਦੌਰਾਨ ਪੁਲੀਸ ਨੇ ਹਵਾਲਾਤੀ ਅਨਮੋਲ ਉਰਫ਼ ਮੋਲਾ ਵਾਸੀ ਸਰਕ ਪੱਟੀ ਤੇ ਅਨਮੋਲ ਉਰਫ਼ ਜੱਸੀ ਵਾਸੀ ਚੱਕ ਕਲਾਂ ਨਕੋਦਰ ਦੀ ਤਲਾਸ਼ੀ ਲੈ ਕੇ ਦੋ ਮੋਬਾਈਲ, ਸਿੰਮਾ ਤੇ ਹੋਰ ਸਮੱਗਰੀ ਬਰਾਮਦ ਕੀਤੀ ਹੈ। -ਪੱਤਰ ਪ੍ਰੇਰਕ