ਕੁਸ਼ਤੀ: ਭਾਰਤੀ ਪੁਰਸ਼ ਪਹਿਲਵਾਨਾਂ ਨੇ ਵੀ ਟੀਮ ਚੈਂਪੀਅਨਸ਼ਿਪ ਜਿੱਤੀ

ਵੁੰਗ ਤਾਊ (ਵੀਅਤਨਾਮ): ਭਾਰਤੀ ਪੁਰਸ਼ਾਂ ਦੀ ਫ੍ਰੀਸਟਾਈਲ ਟੀਮ ਨੇ ਅੰਡਰ-23 ਏਸ਼ੀਅਨ ਕੁਸ਼ਤੀ ਚੈਂਪੀਅਨਸ਼ਿਪ ਵਿੱਚ ਆਪਣਾ ਹੁਣ ਤੱਕ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਦਿਆਂ ਛੇ ਸੋਨੇ ਅਤੇ ਇੱਕ ਚਾਂਦੀ ਦੇ ਤਗਮੇ ਨਾਲ ਟੀਮ ਖਿਤਾਬ ਜਿੱਤਿਆ। ਬੀਤੇ ਦਿਨ ਭਾਰਤ ਦੀ ਮਹਿਲਾ ਟੀਮ ਨੇ ਵੀ ਟੀਮ ਚੈਂਪੀਅਨਸ਼ਿਪ ਜਿੱਤੀ ਸੀ। ਮਹਿਲਾ ਟੀਮ ਨੇ ਸਾਰੇ 10 ਵਰਗਾਂ ਵਿੱਚ ਤਗਮੇ ਜਿੱਤੇ ਸਨ। ਪੁਰਸ਼ਾਂ ਦੇ ਫ੍ਰੀਸਟਾਈਲ ਵਰਗ ਵਿੱਚ ਨਿਖਿਲ (61 ਕਿਲੋਗ੍ਰਾਮ), ਸੁਜੀਤ ਕਲਕਲ (65 ਕਿਲੋਗ੍ਰਾਮ), ਜੈਦੀਪ (74 ਕਿਲੋਗ੍ਰਾਮ), ਚੰਦਰ ਮੋਹਨ (79 ਕਿਲੋਗ੍ਰਾਮ), ਸਚਿਨ (92 ਕਿਲੋਗ੍ਰਾਮ) ਅਤੇ ਵਿੱਕੀ (97 ਕਿਲੋਗ੍ਰਾਮ) ਨੇ ਸੋਨ ਤਗ਼ਮੇ ਜਿੱਤੇ। -ਪੀਟੀਆਈ