ਐੱਨਸੀਬੀ ਵੱਲੋਂ ਚਾਰ ਘਰਾਂ ਦੀ ਤਲਾਸ਼ੀ

ਪੱਤਰ ਪ੍ਰੇਰਕ
ਤਰਨ ਤਾਰਨ, 14 ਅਪਰੈਲ
ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐੱਨਸੀਬੀ) ਦੀਆਂ ਟੀਮਾਂ ਵੱਲੋਂ ਅੱਜ ਇਲਾਕੇ ਦੇ ਚਾਰ ਵਿਅਕਤੀਆਂ ਦੇ ਘਰਾਂ ਦੀ ਤਲਾਸ਼ੀ ਲਈ ਗਈ| ਇਹ ਚਾਰ ਦੇ ਚਾਰ ਵਿਅਕਤੀ ਸ਼੍ਰੋਮਣੀ ਅਕਾਲੀ ਦਲ ਨਾਲ ਸਬੰਧਿਤ ਹਨ| ਐੱਨਸੀਬੀ ਦੀਆਂ ਟੀਮਾਂ ਵੱਲੋਂ ਸਾਰੀ ਕਾਰਵਾਈ ਨੂੰ ਗੁਪਤ ਰੱਖਿਆ ਗਿਆ| ਟੀਮਾਂ ਦੇ ਅਧਿਕਾਰੀਆਂ ਨੇ ਪੱਤਰਕਾਰਾਂ ਨੂੰ ਇਸ ਸਬੰਧੀ ਕਿਸੇ ਕਿਸਮ ਦੀ ਜਾਣਕਾਰੀ ਨਾ ਦਿੱਤੀ|

ਸੂਤਰਾਂ ਅਨੁਸਾਰ ਐੱਨਸੀਬੀ ਦੀਆਂ ਟੀਮਾਂ ਨੇ ਸਵੇਰੇ ਤਲਾਸ਼ੀ ਵਾਰੰਟ ਦਿਖਾ ਕੇ ਘਰਾਂ ਦੀ ਤਲਾਸ਼ੀ ਸ਼ੁਰੂ ਕੀਤੀ| ਇਹ ਤਲਾਸ਼ੀ ਚਾਰ ਘੰਟੇ ਤੱਕ ਚੱਲੀ| ਜਿਨ੍ਹਾਂ ਵਿਅਕਤੀਆਂ ਦੇ ਘਰਾਂ ਦੀ ਤਲਾਸ਼ੀ ਲਈ ਗਈ, ਇਨ੍ਹਾਂ ਵਿੱਚ ਪਿੰਡ ਖਹਿਰਾ ਦੇ ਸਾਬਕਾ ਸਰਪੰਚ ਗੁਰਪ੍ਰੀਤ ਸਿੰਘ ਗੋਲਡੀ, ਮਾਨੋਚਾਹਲ ਕਲਾਂ ਦੇ ਸਾਬਕਾ ਸਰਪੰਚ ਪਲਵਿੰਦਰ ਸਿੰਘ ਪਿੰਕਾ, ਸ਼ੇਖ ਪਿੰਡ ਦੇ ਵਾਸੀ ਗੁਰਸੇਵਕ ਸਿੰਘ ਅਤੇ ਭੂਰਾ ਪਿੰਡ ਦੇ ਵਾਸੀ ਗੁਰਨਾਮ ਸਿੰਘ ਭੂਰਾ ਦਾ ਨਾਂ ਸ਼ਾਮਲ ਹੈ| ਤਲਾਸੀ ਲੈਣ ਮੌਕੇ ਇਹ ਵਿਅਕਤੀ ਆਪਣੇ ਘਰਾਂ ਵਿੱਚ ਨਹੀਂ ਸਨ|